web counter
LEXO PA REKLAMA!

SHKARKO APP

App Store
Google Play

Mbajtja e protestës/ Berisha jep informacionet e para

28 Qershor 2022, 14:17, Politikë CNA
Mbajtja e protestës/ Berisha jep informacionet e para
Mbledhja e Kryesisë

Në datën 7 korrik PD-ja dhe Sali Berisha kanë thirrur protestën e parë kundër rritjes së çmimeve. Berisha ka mbledhur sot Kryesinë në PD, ku gjatë fjalës së tij ai ka dhënë detaje lidhur me “7 korrikun”.

Berisha tha se pjesë e këtij reagimi do të jenë aktivistë të shoqërisë civile dhe personalitete aktive në jetën publike. Kryedemokrati shton se pjesë e protestës do të jenë parti politike opozitare në Parlament apo jashtë saj, ndërsa shton se degët kanë nisur përgatitjet dhe takimet e para.

“Në 7 korrik do të mbahet protesta. Kjo protestë ka një rëndësi shumë të madhe, jo si një protestë e PD-së, por si një protestë e mbarë qytetarëve shqiptarë. Nuk ka dyshim se roli i PD-së në organizimin e kësaj proteste është përcaktues, por PD-ja shkon drejt kësaj proteste me një koalicion të gjerë me shoqërinë civile, me personalistete aktive në jetë publike dhe me forca politike opozitare të vërteta parlamentare dhe joparlamentare. Unë kam informacione se degët kanë filluar aktivitetin, takime, por ajo që kërkoj është intensifikimi maksimal i përpjekjeve tona në mënyrë që kjo protestë të shprehë të gjitha shqetësimet e mëdha me të cilat përballen sot shumica e qytetarëve shqiptarë. Nuk ka dyshim se problemi më kryesor është një lak në fytin e shqiptarëve që po shtrëngohet çdo ditë e më shumë nga çmimet stratosferike të bordeve komuniste të qeverisë së Edi Ramës. Bordet janë shndërruar në gjakpirës që rrisin çmimet jashtë çdo lloj tarife tregu”, tha Berisha./CNA.al





Lajmet e fundit nga