web counter
LEXO PA REKLAMA!

SHKARKO APP

App Store
Google Play

E fundit!

x

Pagesat e lobimit të Bashës nuk janë bërë nga llogaritë e PD/ Çfarë do auditojë Mond Spaho?

26 Shtator 2022, 16:01, Politikë CNA
Pagesat e lobimit të Bashës nuk janë bërë nga
Lulzim Basha

Pasi e tha, duhet bërë!

Kështu mund të përmblidhet nisma më e fundit e PD së Foltores.

Sot është njoftuar se është caktuar grupi që do bëjë auditimin në lidhje me financimet ruse.

Skandali për të cilin CNA.al ka akuzuar Lulzim Bashën kur ai ishte ende në zyrat e PD, është deklaruar se do të kalojë në një filtër në selinë e PD-së.

Raportohet se vendimi është marrë sot në mbledhjen e Kryesisë dhe Sekretariateve.

Pagesat e lobimit të Bashës nuk janë bërë nga
Edmond Spaho

Mësohet se kryetare e këtij grupi pune është zgjedhur, Lediana Mandia, ndërsa anëtarë janë Edmond Spaho, Enno Bozdo dhe Florjon Mima.

Këta janë filtri apo filtrat!

Në kohën kur u zbulua skandali dhe prokuroria nisi çështjen ndaj 3 zyrtarëve të PD, asnjëri nga këta të filtrit dhe as Sali Berisha nuk kërkoi të kuptonte dhe as t'i bënte ndonjë pyetje Lulit mbi akuzat publike. Për auditim apo filtra, atëherë as që bëhej fjalë.

Nuk donin të pyesnin jo vetëm Lulin, por as Ben Ristani psh.

Pagesat e lobimit të Bashës nuk janë bërë nga
Arben Ristani dhe Lulzim Basha

Këta filtrat nuk kishin dyshime!

Prokuroria dikur rregjistroi si persona nën hetim Lulzim Bashën dhe dy zyrtarët e PD-së, Arben Ristani dhe Ilir Dervishi.

Megjithëse edhe Prokurorja e Tiranës ishte pro akuzave ndaj Bashës (siç deklaron vetë ajo), as kjo nuk ngjalli ndonjë dyshim as tek Sali Berisha as tek këta filtrat.

Nuk kuptohet shume se çfare do auditojnë këta filtrat në llogaritë Financiare të PD, pasi nëse ka një gjë të qartë dhe pa filtra është që:

1- Pagesat nuk janë kryer nga llogaritë e PD;

2- Pagesat e bëra nga llogaritë e PD janë deklaruar rregullisht në KQZ si pjesë e bilanceve financiare;

3- Ish sekretari i përgjithshem i PD Arben Ristani dhe ish-shefi i financave të PD Ilir Dervishi, janë sot pjesë e mbështetësve të PD-së së Foltores;

4- Ish sekretari i përgjithshëm i PD, Arben Ristani dhe ish-shefi i financave të PD Ilir Dervishi, janë shkarkuar nga akuzat penale pikërisht sepse pagesat nuk ishin kryer nga llogaritë e PD.

Vetëm nëse këta të filtrit në fund do hartojnë dhe firmosin kallëzimin penal kundra Bashës, për shpërdorim detyre, falsifikim dhe pastrim parash!

Se auditimi ka 5 vjet që është i bërë!/CNA.al

 





Lajmet e fundit nga