web counter
LEXO PA REKLAMA!

SHKARKO APP

App Store
Google Play

E fundit!

x

Jorida Tabaku në krah të Taulant Ballës/ Thirrje opozitës që të përfshihen në procesin e integrimit

26 Shtator 2022, 12:11, Politikë CNA

Jorida Tabaku në krah të Taulant Ballës/ Thirrje opozitës

Komisioni i Posaçëm Parlamentar për rolin e Kuvendit në procesin e Integrimit të Republikës së Shqipërisë në Bashkimin Europia ka zhvilluar sot mbledhjen e radhës.

Taulant Balla, njëri nga kryetarët e këtij komisionin ka kërkuar bashkëpunimin e opozitës për miratimin e ligjeve që kanë të bëjnë me integrimin Evropian të Shqipërisë.

Ai ka thënë se është i detyruar të bashkëpunojë me opozitën, pasi PS nuk i ka 84 votat.

 “Jam i detyruar që të bashkëpunojë me opozitën, por ama edhe opozita nuk duhet ta konsiderojë herezi bashkëpunimin me shumicën për të dhënë votën për ligje që janë shumë të rëndësishme. Mos harroni, një pjesë e madhe e legjislacionit që ne do të ndryshojmë do të ketë të bëjë me ligje me shumicë të cilësuar. Të gjitha kodet. Edhe Kodi Ajror do të ndryshoj edhe Kodi Rrugor dhe kodi i përgjithshëm, prandaj në këtë aspekt edhe ju bëhuni gati se si do ta përfshimë më mirë rolin e shoqërisë civile në këtë proces”, ka thënë ai.

Në të njëjtën linjë ka qëndruar edhe deputetja e PD, bashkëkryetarja e komisionit Jorida Tabaku.

Deputetja e PD-së ka thënë se në këtë proces duhet gjithëpërfshirje dhe duhen përfshirë të gjithë palët e interesit.

 “Unë i kam bërë thirrje qeverisë që ta përdor procesin e integrimit si një proces transformimi edhe të administratës publike dhe të tërheq ata të rinj që fatkeqësisht janë larguar nga vendi. Në këtë proces duhet gjithëpërfshirje dhe duhen përfshirë të gjithë palët e interesit. Ashtu si duhet përfshirë edhe pushteti lokal që zbaton 85% të legjislacionit të BE dhe do jetë lokomotiva kryesore në këtë proces”, ka thënë Tabaku./CNA.al

 





Lajmet e fundit nga