web counter
LEXO PA REKLAMA!

SHKARKO APP

App Store
Google Play

E fundit!

x

Padia ndaj Nallbatit/ Berisha: Nuk habitem, SPAK është i lidhur me bandat e krimit

1 Nëntor 2023, 11:13, Politikë CNA
Padia ndaj Nallbatit/ Berisha: Nuk habitem, SPAK është i lidhur me
Sali Berisha

Pas tensioneve të krijuara në Konferencën e Kryetarëve, ish-kryeministri Sali Berisha u shpreh për mediat se nuk është i habitur aspak nga padia e PS-së ndaj deputetit Bledion Nallbati në SPAK për dhunën e ushtruar ndaj deputetit Vullnet Sinaj. 

Ai theksoi se SPAK-u është totalisht nën këmbët e Edi Ramës dhe bashkëpunon me bandat e krimit. 


"Kjo betejë është për secilin prej jush, për fëmijët tuaj, për të drejtat tuaja. Nuk mund të rrimë në parlament si rrogëtarë. Sot grupi bllokoi mbledhjen e Kryesisë me kërkesën që të plotësohen kërkesat tona kushtetuese. Këto zonjë po i bën Edi Rama, Rama të zbatojë Kushtetutën në parlament, krijoi këto kushte që ne të braktisnim parlamentin. Qëndrimi ynë është një respekt ndaj ligjeve të vendit. Një gjë u siguroj, ne nuk dorëzohemi, ne nga parlamenti nuk largohemi dhe do të mbrojmë të drejtat kushtetuese të deputetit. SPAK funksionon i tëri nën këmbët e Edi Ramës, me fabrikime, falsifikime kriminale, me lidhje me bandat dhe krimin. Nuk ka asnjë lloj habie se pse këta i drejtohen tani SPAK-ut të partisë", u shpreh Berisha.

Kreu i grupit të PS-së, Bledi Çuçi, kallëzoi penalisht deputetin e PD-së, Bledjon Nallbatin, pas sherrit me grushte me deputetin e PS, Vullnet Sinaj. 

"Qëndrimi ynë është i qartë. Nuk do të tolerojmë asnjë akt dhune dhe refuzojmë këdo që e konsideron dhunën si mundësi për të shprehur mospajtimin. Ftojmë organet ligjzbatuese të bëjnë punën e tyre dhe t'i shkojnë deri në fund ngjarjes së 30 tetorit në Parlament”, u shpreh Çuçi./CNA 

 





Lajmet e fundit nga