web counter
LEXO PA REKLAMA!

SHKARKO APP

App Store
Google Play

E fundit!

x

“Opozita ka probleme me aritmetikën”/ Rama: Çdo alternativë veç PS-së na çon në humnerë

1 Maj 2025, 11:47, Politikë CNA

“Opozita ka probleme me aritmetikën”/ Rama: Çdo

Kryeministri Edi Rama zhvilloi sot një takim zgjedhor në Dimal. Në këtë takim, Rama prezantoi arritjet kyçe për sektorët më të rëndësishëm dhe sfidat e Shqipërisë 2030 në BE.

Në fjalën e tij, Rama tha se PS nuk ka program dëshirash për t’i shitur në tregun e fushatës, por projeksione konkrete të hartuara nga ekspertët.

Rama akuzoi qeverinë e mëparshme se kishte lënë shumë borxhe me kompanitë dhe kontratat e lidhura.

Rama tha se çdo alternative tjetër veç PS-së është për ta kthyer vendin prapa në humnerë.

Rama shtoi se opozita ka probleme me artimetikën, duke ironizuar deklarata në lidhje me shifrat për papunësitë.

“Nuk kemi një program dëshirash apo një manifest ëndrrash që partitë e tjetra përpiqen t’i shesin në tregun e fushatës. Janë projeksione nga ekspertët. Kemi një program qeverisës deri më 2030.

Shqipërinë e morëm në një borxh që zyrtarisht ishte 70%. Nuk ishte kaq se gjetëm edhe borxh të fshehur. Qeveria e mëparshme kishte lënë pa paguar kompanitë e huaja. Nuk paguante kompanitë për kontratat.

E kemi ulur në një normale prej 54%. Dhe në vitin 2030 synojmë ta çojmë në 50%. Kjo ishte situatë kur ne morëm detyrën. Sistemi bankar rrezikonte të binte.

Shqiptarët shpëtuan nga një humnerë e dytë që pas 1997. Çdo alternativë tjetër veç PS-së është për ta kthyer vendin prapa në humnerë. Edhe te pabarazia te të ardhurat kemi hyrë në një tjetër stad.

Kemi papunësinë më të ulët në kohë historike. Shifra është e ulët, jo se kanë ikur njerëzit. Kjo sepse Censi e tregoi saktë sa është popullsia. Shifra matet mbi forcën e punës dhe jo mbi popullsinë. Por herë të parë kemi papunësinë njëshifrore në 8.8%. Ata që këmbëngulin të na përqeshin për këto 3 mandate, kemi 1.377.000 të punësuar sot.

Kemi problem të madh me aritmetikën, se kaluam nga 7x7=42 në 7x7=6 milionë dollarë”,-tha Rama./CNA

 





Lajmet e fundit nga