web counter
LEXO PA REKLAMA!

SHKARKO APP

App Store
Google Play

E fundit!

x

"Opozita është alternativa e vetme"/ Zhupa për CNA: Rama duhet larguar një orë e parë

10 Shkurt 2026, 09:24, Politikë CNA

"Opozita është alternativa e vetme"/ Zhupa për CNA:

Deputetja e Partisë Demokratike, Ina Zhupa, në një intervistë të dhënë për CNA, deklaroi se opozita është alternativa e vetme reale sot. Zhupa u shpreh se në ndryshim nga qeveria, opozita nuk ka ndaluar asnjë hetim dhe nuk ka heshtur përballë skandaleve.

Në intervistën e saj për CNA, Zhupa tha se çdo shqiptar ndihet i nëpërkëmbur sepse qeveria punon për një grusht klientësh. Më tej, deputetja tha se opozita do të jetë gjithmonë në krah të interesit publik.

Zhupa u bëri thirrje qytetarëve të marrin pjesë në protestën e sotme përpara Kryeministrisë. Protestë, në të cilën Zhupa tha se do të kërkohet llogari dhe nuk do të lejohet që vendi të mbahet peng nga korrupsioni.

 

Pjesë nga intervista

Pyetje: Teksa qeveria përballet me skandale dhe akuzat të zyrtarëve të saj, a mendoni se opozita me aksionin e saj është një alternativë për qytetarët?

 

Po, opozita është alternativa e vetme reale sot. Ndryshe nga qeveria, ne nuk kemi ndaluar asnjë hetim, kemi dorëzuar çdo imunitet dhe kur kemi qenë në qeverisje dhe nuk heshtim përballë skandaleve. Aksioni ynë është dëshmi që Partia Demokratike ngre zërin për drejtësi, llogaridhënie dhe shtet ligjor. Qytetarët kanë nevojë për shpresë dhe për një qeverisje që punon për ta, jo kundër tyre. Çdo shqiptar sot ndihet i nëpërkëmbur dhe i padëgjuar, sepse qeveria punon për një grusht klientësh. Opozita është dhe do të jetë përherë në krah të interesit publik.

 

 

Pyetje: Cila është thirrja juaj për qytetarët?

 

Thirrja ime për gjithë qytetarët është të marrin pjesë masivisht në protestën e sotme, 10 shkurt, ora 17:00, para Kryeministrisë sepse është protesta e tyre. Duke qëndruar indiferent, e keqja na shtyp. Demokracia mbrohet me pjesëmarrje, me reagim dhe me guxim qytetar. Bashkohuni, protestojmë të gjithë bashkë, kërkojmë llogari dhe nuk lejojmë që Shqipëria të mbahet peng nga korrupsioni dhe keqqeverisja. Edi Rama duhet larguar një orë e më parë për t'i hapur vendin një qeverie teknike që krijon kushtet për garë reale alternativash, ku partitë u përgjigjen qytetarëve./CNA





Lajmet e fundit nga