web counter
LEXO PA REKLAMA!

SHKARKO APP

E fundit!

x

“Qeveria po shkreton kombin”/ Berisha: Rama po i mbyll Shqipërisë dyert drejt Europës

9 Shkurt 2026, 18:47, Politikë CNA

Kreu i PD-së, Sali Berisha gjatë fjalës së tij në protestën e sotme para Kryeministrisë ka deklaruar se kryeministri Edi Rama me vjedhjet e tij po i mbyll dyert Shqipërisë drejt BE-së.

Ai theksoi se kjo qeveri po shkreton kombin dhe se shqiptarët kanë shumë arsye për të protestuar.

“Jeni zëdhënës të mbarë shqiptarëve, të gjithë qytetarëve të lirë. Në këtë aspekt jeni frymëzim për çdo shqiptar.

Motivet e protestës sot, janë të pafundme. Qeveria ka humbur çdo legjitimitet. Ajo është fryt i farsës elektorale i shkelmimit mbi vullnetin tuaj, mbi votën tuaj, është fryt i krimit monstruoz të përmasave botërore, karteleve më të zeza të drogës që helmojnë fëmijët e Europës dhe jo vetëm. Protesta është ndaj një qeverie që nga mëngjesi në darkë vjedh qytetarët e saj.

Kjo qeveri duhet shporrur një ditë e më parë. Protesta është jetike kundër një qeverie që në 13 vite varfëroi shqiptarët. Ajo bëri që sot ata të jenë qytetarët me pensionet më të ulëta në botë. Gjysma e qytetarëve të jenë në varfëri.

Qeveria po shkreton këtë komb, po largon shqiptarët nga Shqipëria. Sot i bëjmë thirrje për protestë çdo shqiptari.

Edi Rama në mbrojtje të vjedhjeve të tij ka vendosur t’i presë Shqipërisë rrugën e Europës, ka vendosur t’i mbyllë Shqipërisë dyert e Europës”, tha Berisha./ CNA





Lajmet e fundit nga