web counter
LEXO PA REKLAMA!

SHKARKO APP

App Store
Google Play

E fundit!

x

Protesta e opozitës/ Zhupa për CNA: Aksioni do të vijojë dhe do të intensifikohet

10 Shkurt 2026, 09:14, Politikë CNA

Protesta e opozitës/ Zhupa për CNA: Aksioni do të vijojë dhe

Deputetja e Partisë Demokratike, Ina Zhupa, në një intervistë për CNA ka folur për protestën e sotme të opozitës, hapat e radhës të aksionit opozitar dhe skandalet e qeverisë.

Zhupa tha se protesta e sotme e opozitës nuk është thjesht një reagim momental, por pjesë e aksionit politik të Partisë Demokratike kundër kapjes së shtetit apo korrupsionit.

Deputetja deklaroi për CNA se populli opozitar kërkon qeveri teknike që të jetë garante për zgjedhje të lira dhe të ndershme.

Duke u ndalur te pjesëmarrja në protestat kombëtare të organizuara nga opozita, Zhupa u shpreh se ditën e sotme do të ketë një pjesëmarrje masive dhe do të tejkalohen dy protestat e shkuara kombëtare.

E pyetur nga CNA për mundësinë e përshkallëzimit të aksionit, deputetja u përgjigj se do të intensifikohet në mënyrë demokratike dhe kushtetuese.

Për Zhupën, përgjegjësinë për çdo përshkallëzim e ka qeveria që injoron problemet reale dhe sillet sikur pushteti nuk u përket qytetarëve.

 

Pjesë nga intervista

 

Pyetje: Çfarë do të sjellë ndryshe protesta e radhës e opozitës?

 

Protesta e radhës nuk është thjesht një reagim momental, por pjesë e një aksioni të qartë politik të Partisë Demokratike, kundër kapjes së shtetit, korrupsionit dhe shpërdorimit të pushtetit dhe mbrojtjes politike që po u jepet qeveritarëve ndaj hetimeve. Populli opozitar kërkon një qeveri teknike pa Edi Ramën, garante për zgjedhjet e lira dhe të ndershme. Protesta do të ketë një pjesëmarrje masive, dhe sigurisht që do të tejkalojë dy protestat e shkuara kombëtare. Do të jepet një mesazh i fortë se Shqipëria nuk mund të vazhdojë të qeveriset me arrogancë, skandale dhe pandëshkueshmëri duke bllokuar dhe vendimet e drejtësisë. Është një protestë për dinjitetin e qytetarëve dhe të ardhmen e vendit.

 

Pyetje: A do të ketë përshkallëzim të aksionit?

 

Aksioni opozitar do të vijojë dhe do të intensifikohet në mënyrë demokratike dhe kushtetuese, aq sa të jetë e nevojshme për t’u dëgjuar zëri i qytetarëve. Përgjegjësia për çdo përshkallëzim bie mbi një qeveri që lidhur me krimin dhe drogën, që njeh vetëm korrupsionin si metodë pune, injoron problemet reale dhe sillet sikur pushteti i përket asaj dhe jo qytetarëve. Sepse e ka marrë pushtetin jo me votë të lirë, por u detyrohet grupeve kriminale dhe rrjeteve të narkotrafikut./CNA





Lajmet e fundit nga