web counter
LEXO PA REKLAMA!

SHKARKO APP

App Store
Google Play

"Do verifikohet farsa elektorale”/ Këlliçi: Brenda muajit do të vijnë dy misione faktmbledhëse nga Europa

9 Shkurt 2026, 20:02, Politikë CNA

"Do verifikohet farsa elektorale”/ Këlliçi: Brenda muajit

Deputeti i PD-së, Belind Këlliçi është shprehur mbrëmjen e sotme se brenda muajit dy misione faktmbledhëse nga Europa do të vijnë në Shqipëri. Në një lidhje me Syri Tv, Këlliçi tha se ata do të vijnë për të verifikuar situatën e asaj që ai e ka cilësuar si “farsë elektorale”. 

“Elita e të rinjve, e të shkolluarve, e shtresës së mesme po largohet nga Shqipëria. Hemoragjia e emigrimit të popullatës shqiptare nuk po njeh ndalesë. Ne duhet të reflektojmë si shoqëri. Për ne që kemi vendos të jetojmë në Shqipëri, kjo duhet të jetë një këmbanë alarmi, përtej ndasive politike. Gjithçka që demokratët kanë thenë për rezolutat dhe farsën elektorale, koha po i vërteton.

Shumë shpejt misione faktmbledhëse do të vijnë dhe nga Uashingtoni. Por të ndalemi te Europa. Nuk vjen asnjë eurodeputet apo mission faktmbledhës nëse nuk janë të bindur për faktet që janë depozituar për gjendjen në Shqipëri. Për shkak të rezolutave, të PD-së, vijnë mission faktmbledhës me të paktën 8 eurodeputetë për të verifikuar situatën e farsës elektorale. Në fund të këtij muaji do të vijë dhe një delegacion shumë i madh eurodeputetësh dhe zyrtarësh të lartë nga të gjithë anëtarët e Partisë Popullore Europiane. Do të vijnë për të verifikuar situatën nga afër dhe për të marrë të dhëna që do t’i bëjnë publike më vonë", tha ai. 

Ndër të tjera, deputeti bëri thirrje për pjesëmarrje masive në protestën e nesërme që do të mbahet nga opozita në orën 17:00 para Kryeministrisë.

"I bëj thirrje kujtdo që na ndjek të vijë nesër në protestë, jo për PD-në, por për veten e vet dhe atdheun e vet që po boshatiset. Të gjitha këto të kombinuara do të çojnë në një qeveri teknike pa Edi Ramën kryeministër", tha Këlliçi. /CNA





Lajmet e fundit nga