web counter
LEXO PA REKLAMA!

SHKARKO APP

App Store
Google Play

Mehdi Malkaj kërkon protesta të pandalshme/ "Duhet të veprojmë si Aleanca për Mrojtjen e Teatrit"

28 Qershor 2022, 19:12, Politikë CNA
Mehdi Malkaj kërkon protesta të pandalshme/ "Duhet të
Aktori Mehdi Malkaj

Përballjen me qeverinë, aktori Mehdi Malkaj e sheh vetëm nëpërmjet protestave të njëpasnjëshme, që nuk ndalen vetëm me një ditë.

Gjatë takimit të dytë të Frontit Për Shpëtimin e Shqipërisë me Sali Berishën, Malkaj kërkoi që protestat e opozitës të jenë ashtu si ato të Aleancës për Mbrojtjen e Teatrit.

Ai tha se beteja duhet të fillojë nga liria dhe të mbarojë te liria, pasi theksoi se pa të nuk kemi asgjë në vijë.

“Unë vetë personalisht do tu këshilloja një gjë nëse e merrni në konsideratë, duhet të funksionojmë dhe veprojmë si Aleanca për Mrojtjen e Teatrit, jemi në vitin e 5-të të protestës. Në shi, në borë, në breshër, kanë ardhur na kanë rrahur dy herë, të mos gënjejmë na kanë rrahur me dashuri, por na kanë rrahur dy herë. I kapën në gjumë njerëzit nuk e çau njeri kokën që ta nxirrnin përjashta, por e shembën me gjithë atë.

Kot kanë shpëtuar këta Neritani me shokë. Unë them kështu, duhet që të fillojmë dhe të mos ketë fund. Kemi pesë vite dhe jemi në vitin e pestë të protestës tonë. Miq të dashur, për mua çdo fillon nga liria dhe mbaron te liria. Nëse nuk jemi të lirë nuk kemi gjë në vijë. Liria është ajo që nuk ka të paguar, derdhet gjak pa fund për të fituar lirinë, por duhet shumë gjak për ta mbrojtur lirinë”, theksoi aktori./ B.A. – CNA.al





Lajmet e fundit nga