web counter
LEXO PA REKLAMA!

SHKARKO APP

App Store
Google Play

E fundit!

x

“Më paska denoncuar këneta për dy krime zgjedhore”/ Rama reagon ndaj akuzave të Berishës

21 Shkurt 2025, 17:04, Politikë CNA

“Më paska denoncuar këneta për dy krime zgjedhore”/

Kryeministri Edi Rama ka reaguar para pak minutash, duke iu kundërpërgjigjur kreut të PD-së Sali Berisha, mbi atë që e quan denoncim për dy krime zgjedhore.

Në një reagim në rrjetin social “ X”, Rama shkruan se rasti i parë për pensionet ka ardhur si pasojë e rrijes ekonomike të vitit që lamë pas.

Për mbledhjen me punonjësit e Bashkisë, Rama tha se kjo kishte ndodhur pas orarit të punës.

Ndaj Berishës, Rama tha se ata të cilët mund të vazhdojnë ta ndjekin atë nga pas, po Tiranën dhe Shqipërinë e kanë humbur përgjithmonë.

“E para paskam kryer krim me bonusin e pranverës për pensionistët, që është shpallur që vjet falë rritjes së fortë ekonomike dhe të ardhura që kanë kaluar parashikimet për 2024!

Krime të tilla për pensionistët kam ndërmend të kryej akoma, madje edhe më të rënda se ky i marsit dua t’i bëj, këtë vit dhe në vitet në vijim, kështu që këneta të bëjë denoncimet e veta, ndërsa pensionistët e dinë vetë se ç’do t’i bëjnë kënetës më 11 maj????

E dyta paskam kryer krim në Sheshin Skënderbej me mbledhjen e punës me punonjësit e bashkisë që sapo kishin dalë nga puna. Ky është një tjetër krim që kam ndërmend ta përsëris, sepse në 16 maj Tirana do të mikpresë 46 udhëheqës të kontinentit europian dhe 8 lider të organizatave të mëdha si BE e NATO, kështu që ata punonjës kanë shumë punë për të bërë.

Natyrisht këneta ka bërë përsëri atë që bën qysh nga 1912 e asisoj edhe qëkur unë u shfaqa si djalli që ia mbylli rrugën e Tiranës e pastaj të Shqipërisë, bufit, zhabave, zhapikëve dhe zhgarravinave të saj, të cilët mua mund të vazhdojnë të më ndjekin nga pas, po Tiranën dhe Shqipërinë e kanë humbur përgjithmonë",-shprehet Rama./CNA 

 

“Më paska denoncuar këneta për dy krime zgjedhore”/





Lajmet e fundit nga