web counter
LEXO PA REKLAMA!

SHKARKO APP

App Store
Google Play

E fundit!

x

Primaret në PD/ Ilir Alimehmeti konfirmon kandidimin

21 Shkurt 2025, 14:11, Politikë CNA

Primaret në PD/ Ilir Alimehmeti konfirmon kandidimin

Mjeku Ilir Alimehmeti ka konfirmuar kandidimin e tij për primaret në PD që do të zhvillohen në 1 mars.

“Të dashur miq, qëndrestarë të Partisë Demokratike dhe mbështetës të palëkundur të NDRYSHIMIT më datë 11 Maj 2025,

Ju falenderoj të gjithëve përzemërsisht për mbështetjen tuaj masive përmes propozimeve në shumicën e degëve të Tiranës për të qenë kandidat përfaqësues i juaji në Kuvendin e NDRYSHIMIT të sivjetshëm, duke kaluar përmes procesit të Primareve!

Kam lindur e jam rritur me besimin te vlerat njerëzore dhe familjare, si edhe besimin te kultura e edukimit, arsimit, punës, mundit dhe djersës.

Janë të njëjtat vlera që gjej mes jush e që më bëjnë të krenohem me ju kudo dhe kurdo!

Me po të njëjtën ndërgjegje qytetare, me po të njëjtat vlera, me po të njëjtin besim e duke ndarë me ju po të njëjtat shqetësime familjare, qytetare e kombëtare, do të derdh mund e djersë që edhe ju të mund të ndjeheni gjithnjë krenarë me propozimet dhe mbështetjen tuaj.

Duke besuar me forcë në parimin demokratik të përfaqësimit, kandidoj në procesin e PRIMAREVE për të bërë të mundur dërgimin e vlerave tuaja dhe adresimin e shqetësimeve tona të përbashkëta në Kuvendin e NDRYSHIMIT të Shqipërisë!

Faleminderit me zemër për mbështetjen tuaj të pashterueshme!

Forca drejt FITORES, së bashku!

Forca drejt NDRYSHIMIT, së bashku!

Gjithmonë i juaji! Gjithmonë me ju!

Prof. Asc. Ilir Alimehmeti”, shprehet Alimehmeti./ CNA





Lajmet e fundit nga