web counter
LEXO PA REKLAMA!

SHKARKO APP

App Store
Google Play

E fundit!

x

E quajtën kryetari i bashkisë që ‘fjeti gjumë’ / Basha: Nuk më prishin as dremitjen më të vogël

20 Shkurt 2025, 19:53, Politikë CNA

E quajtën kryetari i bashkisë që ‘fjeti gjumë’ /

Në takimin që u mbajt sot në sheshin “Skënderbej”, të kryeministrit Rama dhe punonjësve të Bashkisë së Tiranës,  u transmetua një dokumentar mbi transformimin e Tiranës ndër vite, me pamje nga vitet ’90 deri në ditët e sotme.

Një segment i shkurtër iu kushtua edhe Lulzim Bashës, i cili drejtoi Bashkinë e Tiranës nga viti 2011 deri në 2015. Me ironi, Partia Socialiste e paraqiti këtë periudhë si një kohë kur Basha qëndroi pasiv, duke e portretizuar kryetarin që “fjeti gjumë”.

Lulzim Basha ka reaguar për këtë dhe i quan “batuta të lodhura” ato që i bëhen për gjumin që nuk i prishin as dremitjen më të vogël.

Basha thotë se Rama e konsideron vjedhjen sukses dhe i që mblodhi sot punonjësit e Bashkisë Tiranë si vullnetarët e Enverit

“As dremitjen më të vogël nuk ma prishin këto batutat e lodhura me gjumin, nga ai që vjedhjen e konsideron sukses, aq sa, mblidhet si vullnetarët e Enverit në këtë 20 shkurt, për të mbrojtur monumentin e pandëshkueshmërisë.

Moto e Edi Ramës “kush nuk vjedh, fle gjumë” ka marrë vlerë të plotë me drejtësinë në veprim.

Shqipëria meriton më shumë”-shkruan Basha./CNA 

 

 

 





Lajmet e fundit nga