web counter
LEXO PA REKLAMA!

SHKARKO APP

App Store
Google Play

E fundit!

x

Veliaj justifikohet sërish/ Kërkon të përdorë imazhin e të tjerëve

21 Shkurt 2025, 10:33, Politikë CNA
Veliaj justifikohet sërish/ Kërkon të përdorë imazhin e
Erion Veliaj

Erion Veliaj duket se në reagimet e tij publike nga burgu i Durrësit si alibi ka zgjedhur gënjeshtrat, fyerjet ndaj prokurorit dhe gjyqtarit që e çoi pas hekurave, si dhe së fundi po përdor imazhin e personave të tjerë për të dalë i kulluar para syve të opinionit publik.

Këtë herë ka përdorur figurën e Genta Sulës, ish-kolegen e tij në Ministrinë e Punës dhe Mirëqenies Sociale, për t’iu vërsulur prokurorit duke shfryrë të gjithë mllefin e tij.

“Genta Sula është një kryezonjë, kryenënë, tani edhe kryegjyshe, e për më tepër, një kryeprofesioniste nga ato që moçalit tonë i provokojnë vrer e helm. Në ministri ajo drejtoi hapjen masive të zyrave të punës, riktheu në trend arsimin profesional, hapëm shkolla si ‘Herman Gmeiner’ për IT, që i pararendi TUMO-s e Piramidës, bëmë reformën e parë të pensioneve që shpëtoi arkën e shtetit dhe rriti pensionet, dhe në ditën e fundit së bashku, kaluam Ligjin për Hapjen e Dosjeve, që sigurimsat apo xhinsi i spiunëve të Zylo Ramizit e morën me aq lemeri.

Tani po e kuptoj hezitimin e saj, kur nga eksperte e Bankës Botërore i thosha të kalonte në shtet, prej skuthave kompleksivë si Ols Violina, që po panë një grua të mençur, të hijshme, të aftë, profesioniste, të pavarur, të dëlirë, të artikuluar, të lexuar e të arrirë, i sulen si pitbull me jargë e skërmitje, për t’i thënë vetes 'jam i fortë, shih si futem në fustane dhe e mbaj gruan e targetit 9 orë në inkuizicion'.

Por, unë jam kryetar i Bashkisë së Tiranës, jo anëtar i Urdhrit të Psikologut dhe ky qafir burrë, që paguhet sa dyfishi im për të bërë drejtësi të re, duhet çuar te psikologu përpara se të hyjë nën fustane të tjera.

Padrejtësia diku, kthehet në padrejtësi kudo, ndaj kjo betejë do fitohet përditë e nga çdokush që do një vend të drejtë”, shkruan ai.

Veliaj është i arrestuar si i dyshuar për korrupsion në 9 raste dhe pastrim parash.

Me firmën e tij ka bekuar me miliona OJF-të e bashkëshortes së tij, Ajola Xoxa, ndaj së cilës gjykata dha fillimisht masën arrest në shtëpi, ndërsa më pas iu zbut masa në detyrim me paraqitje./ CNA





Lajmet e fundit nga