web counter
LEXO PA REKLAMA!

SHKARKO APP

App Store
Google Play

Kryeministri i Holandës: Të ulen tensionet në veri të Kosovës, të punojmë në këtë drejtim

16 Tetor 2023, 11:21, Politikë CNA
Kryeministri i Holandës: Të ulen tensionet në veri të
Mark Rutte

Nis ceremonia e pritjes së liderëve të huaj marrin pjesë në Samitin e Procesit të Berlinit. Kryeministri i Holandës, Mark Rutte, para takimit me kryeministrin Edi Rama, tha se duhet që të ulen tensionet në veri të Kosovës.

"Duhet të ulen tensionet në veri të Kosovës. Të gjithë duhet të kontribuojmë në këtë drejtim", u shpreh kryeministri i Holandës. 

Mësohet se pas ceremonisë së pritjes, kryeministri Rama, kancelari gjerman Olaf Scholz, Presidentja e KE Ursula von der Leyen dhe Presidenti i Këshillit të Evropës Charles Michel, do të mbajnë një fjalim përshëndetës. 

Sa i përket mungesës së Presidentit të Francës, Emanuel Macron, u zbulua se ky i fundit do të mungojë në punimet e samitit për shkak të një ngjarjeje të rëndë në Francë, që e ka detyruar të shtyjë vizitën e tij në Shqipëri me disa orë.

Macron pritet të mbërrijë në Shqipëri rreth pasdites, ku do të zhvillojë një takim zyrtar me kryeministrin Rama, i cili do t’i akordojë edhe një titull në nderim për aktet e tij për Shqipërinë.

Sakaq, në takimin e sotëm nuk do të jetë i pranishëm Presidenti i Serbisë, Aleksandër Vuçiç, por kryeministrja Ana Brnabiç./CNA

 

 





Lajmet e fundit nga