web counter
LEXO PA REKLAMA!

SHKARKO APP

App Store
Google Play

Krasniqi kritikon Samitin e Diasporës: Slogane e fjalime të dëgjuara me dhjetëra herë

14 Prill 2026, 22:22, Politikë CNA

Krasniqi kritikon Samitin e Diasporës: Slogane e fjalime të

Politologu Afrim Krasniqi ndau sot një kritikë lidhur me Samitin IV të Diasporës, që sot përmbylli ditën e dytë të punimeve.

I ftuar në ‘A2 CNN’, Krasniqi tha se në këto dy ditë, samiti ka pasur shumë hartime, slogane e fjalime të dëgjuara më dhjetëra herë.

“Po ta shikosh, deri diku, i gjithë zëri joqeveritar në Shqipëri nuk ishte i përfaqësuar. Nuk po flas për opozitën, por për zërin joqeveritar. Pati shumë hartime, shumë sllogane, shumë fjalime të dëgjuara dhjetëra herë që mund t'i shkojnë një aktori, mund t'i shkojnë një sportisti, një turisti, por nuk i shkojnë një shtetari. Shtetari flet me pika. Angazhimi në samitin e parë ka qenë abetarja dhe furnizimi me bazën e arsimit shqip, gjë që s'ka ndodhur; ka qenë regjistrimi i shqiptarëve në botë, krijimi i regjistrit për shqiptarë në botë, gjë që s'ka ndodhur; ka qenë krijimi i qendrave kulturore në të gjitha komunitetet shqiptare të botës, gjë që s'ka ndodhur; organizimi dhe koordinimi me qeverinë e Kosovës për të bërë një aksion të përbashkët, gjë që s'ka ndodhur. Ministri i Jashtëm i Kosovës e ngriti sot përsëri këtë çështje dhe pastaj adresimi i disa çështjeve që lidhen në aspektin ekonomik dhe social, se si ne mund të përfitojmë nga ekspertiza e shqiptarëve në botë dhe se si, kur marrim ekspertë ndërkombëtarë, të marrim shqiptarët e suksesshëm në botë, gjë që nuk ka ndodhur. Kështu që, takimi duhet t’u zhvillonte me këto lloj gjërash”,-tha Krasniqi./CNA





Lajmet e fundit nga