web counter
LEXO PA REKLAMA!

SHKARKO APP

App Store
Google Play

Afrim Gashi, apel politikës: Të ndalohet urgjentisht "gjakderdhja" demografike

14 Prill 2026, 11:29, Politikë CNA

Kryetari i Kuvendit të RMV-së, Afrim Gashi, në fjalën e tij në samitin e Diasporës ka theksuar se duhet të ndërtohen urgjentisht politika për të ndalur "gjakderdhjen" demografike.

“Në Kosovë ka një kombinim të faktorëve, por prevalon faktori politik që fillon në vitet '90. Te shqiptarët e RMV-së është kombinim i faktorëve politikë, ekonomikë dhe institucionalë. Pa parë këtë diversitet pse ka ndodhur shpërngulja nuk arrihet qëllimi që të krijojmë kushtet që të jetojnë me dinjitet në vendet e tyre dhe të presim ditën kur njerëzit do të vendosin të kthehen në vendlindje dhe të kthejnë procesin demokragfik aty ku duhet dhe aty ku kemi dëshirë të shohim shqiptarët. Duhet të kemi emërues të përbashkët. Në fund me lehtësi konstatojmë se synimi ynë është njeriu.

Nuk duhet të humbim fokusin pse ekzistojnë shtetet dhe qëllimin kryesor të politikave. Pa njerëzit do të ishin të kota të gjitha politikat.

Vitet e fundit ajo që e karakterizon edhe më shumë shpërnguljen është ikja e të rinjve dhe me përgatitjen më të mirë. Njerëzit që kanë performancat më të mira po na ikin. Kjo është një humbje e madhe, nëse duam të bëjmë rilidhjen me njerëzit duhet të fokusohemi urgjentisht në ndërtimin e politikave që ndalojnë 'gjakderdhjen' demografike që po na ndodh.

Hapi i parë duhet të jetë krijimi i kushteve të domosdoshme që njerëzit të kenë të gjitha kushtet në vendin e tyre.

Të rinjtë po na ikin pasi mungon shpresa. Kemi harruar se po dërgojmë mesazh te të rinjtë tanë se nuk kanë shpresë, se gjithçka vjen nga politika.

Nëse duam të shkojmë një hap më tej të identifikojmë problemet në shoqërinë tonë”, tha Afrim Gashi./CNA





19:53 Politikë

Opozitë me ChatGPT?!

Këtë të hënë, në selinë blu u zhvillua mbledhja e Kolegjit...

Lajmet e fundit nga