E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

Paneli “Diaspora dhe demokracia përfaqësuese”/ Peleshi: Shqiptarët në botë, shembull suksesi

14 Prill 2026, 11:21, Politikë CNA

Paneli “Diaspora dhe demokracia përfaqësuese”/ Peleshi:

Kryetari i parlamentit të Shqipërisë, Niko Peleshi, ka marrë fjalën e tij në panelin e diskutimit me temë “Diaspora dhe demokracia përfaqësuese në hapësirën shqiptare” në Samitin e Diasporës.

Peleshi u shpreh gjatë fjalës së tij se Shqipëria ka fituar sot një prestigj ndërkombëtar si promovuese e sigurisë dhe paqes.

Kryeparlamentari tha se sot shqiptarët janë pjesë e elitave kulturore, sportive dhe politike në Europë, SHBA dhe në vende të tjera në botë. Ndër të tjera, ai foli edhe lidhur me legjislacionin e miratuar nnga Kuvendi në mbështetje të diasporës.

“Shqipëria po fiton sot një prestigj ndërkombëtar si promovuese e sigurisë dhe paqes. Sot shqiptarët në rajon janë pa dilema në krahun e europianizimit të Ballkanit Perëndimor. Sot shqiptarët janë afirmuar si kontribues të demokracisë. Shqiptarët në botë janë një shembull suksesi dhe ndihmues të ekonomisë së vendit tonë.

Qindra mijëra shqiptarë janë pjesë e elitave kulturore, sportive dhe politike në Europë, SHBA dhe në vende të tjera në botë. Ne kemi miratuar një legjilslacion mbështetës për të drejtat e shqiptarëve që jetojnë jashtë vendit dhe lehtësimin për integrimin e tyre në jetën e vendit. Marrëveshjet me 15 qeveri për pensionet janë një pjesë e rëndësishme për garantimin e kushteve për një jetesë cilësore të shqiptarëve jashtë vendit.

Legjislacioni për votimin nga jashtë krijoi mundësi që shqiptarët të zgjedhin dhe të zgjidhen në Kuvendin e Shqipërisë. Pjesëmarrja e tyre në votim ishte një dëshmi e kontributit të diasporës në jetën politike në Shqipëri. Por ende nuk e kemi gjetur formulën për të ardhmen e sigurt e të qëndrueshme për kombin shqiptar.

Bota po ndryshon me shpejtësi dhe rreziqe po u kanosen kombeve. Shqiptarët në diasporë janë qytetarë të vendeve ku jetojnë, por kanë me vete një copë Shqipërie që herë i ka bërë krenarë e herë i ka mërzitur. Sot është momenti historik për një klimë të re shpirtërore. Të mendojmë së bashku për të ndërtuar në Shqipëri mundësi sipërmarrjeje dhe bashkëpunimi. Shqipëria ka vend për të gjithë shqiptarët. Kthimi i diasporës në Shqipëri duhet të jetë narrativa e shqiptarëve”, u shpreh Peleshi. /CNA