web counter
LEXO PA REKLAMA!

SHKARKO APP

App Store
Google Play

E fundit!

x

"Shqiptarët duhen bërë bashkë"/ Balla: Më shumë përfaqësues të diasporës duhen në Kuvend

14 Prill 2026, 11:51, Politikë CNA

"Shqiptarët duhen bërë bashkë"/ Balla: Më

Kreu i Grupit Parlamentar të PS-së, Taulant Balla, ka mbajtur fjalën e tij në një nga panelet e sotme të diskutimit në Samitin e Diasporës.

Balla, gjatë fjalës së tij, vlerësoi arritjet e shqiptarëve jashtë vendit, ndërsa shtoi se mesazhi i Samiteve të Diasporës është se shqiptarët duhet të bëhen bashkë.

Balla përmendi edhe përfshirjen e diasporës në zgjedhjet e fundit parlamentare ku theksoi se më shumë përfaqësues të diasporës duhen në Kuvendin e Shqipërisë.

“Në zgjedhjet amerikane vetëm në Michigan konkurrojnë për Kongresin Amerikan tre shqiptarë. Kjo është një arritje e madhe duke shpresuar do të kemi një kongresmen shqiptar dhe pse jo më vonë dhe një senator. Ervin Ramaliu është një shembull se si një shqiptar, pjesë e pushtetit vendor, është pikë reference për të gjithë shqiptarët që kanë një problem në atë zonë.

Vendet e tjera që nuk dua t'i përmend e kanë diasporën avokatin më të madh të çështjeve kombëtare. Shuaipi i zgjedhur në Parlamentin e Serbisë, u zgjodh me shumë vështirësi, për shkak se ne shqiptarët nuk dimë se kur vjen puna te çështjet kombëtare duhet të bëhemi bashkë. Ka ardhur koha të mnendojmë dhe në vendet ku garojmë. Mesazhi i këtyre samiteve të diasporës është për t'u bërë bashkë.

Zgjedhjet e fundit ishin një fitore e demokracisë sonë. Ata që janë motori i ekonomisë sonë nuk merrnin dot pjesë në zgjedhje. Më shumë se 300 mijë shqiptarë në diasporë shfaqën interes dhe plot 202 mijë prej tyre dërguan votën e tyre me zarf. Në 2029 kur shqiptarët do duhet të votojnë përsëri për parlamentin kemi kohë më shumë për t'u përgatitur. Partitë politike duhet t'i japin më shumë hapësirë përfaqësimit të diasporës. Më shumë përfaqësues të diasporës duhen në Kuvendin e Shqipërisë”, tha Balla. /CNA





19:53 Politikë

Opozitë me ChatGPT?!

Këtë të hënë, në selinë blu u zhvillua mbledhja e Kolegjit...

Lajmet e fundit nga