Këlliçi: Nesër, PD zhvillon takime me Mediun, Dulen dhe Dukën për kandidatin për Bashkinë e Tiranës

26 Shtator 2025, 21:54, Politikë CNA

Këlliçi: Nesër, PD zhvillon takime me Mediun, Dulen dhe

Deputeti demokrat, Belind Këlliçi deklaroi se gjatë së shtunës, Partia Demokratike do të zhvillojë tre takime me tri drejtuesit e partive opozitare, Fatmir Mediun, Vangjel Dulen dhe Agron Dukën.

Në një emision televiziv, Këlliçi tha se PD do t’i shtrijë dorën e bashkëpunimit edhe partisë së drejtuar nga Arlind Qori, por edhe Agron Shehajt, duke u afruar kështu me drejtuesit e disa prej partive të vogla opozitare që mund të bashkëpunojnë për daljen me një emër të përbashkët për garën e Bashkisë së Tiranës.

Këlliçi tha se për të rrëzuar socialistët, opozita duhet të bashkojë forcat.

“Nesër kemi 3 takime me aleatët, me 3 parti parlamentare: Mediu, Dule, Duka . Ne do të futemi me çdo forcë politike. Ne do ulemi me çdo forcë politike dhe me zotin Shehaj. Cili është profili i kandidatit që do të kemi.

Me të gjithë, I kam shtrirë dorën e bashkëpunimit dhe partisë së Arlind Qorit Lëvizja Bashkë dhe pse ideologjikisht dhe pse kemi 180 gradë qëndrim të kundërt, por nëse kemi kundërshtarë të përbashkët , i besoj ato që thonë dhe i qëndrojnë atyre. Nëse duam, të jemi praktikë të rrëzojmë Ramën, Hajde të bashkojmë forcat.

Takimet tona do të kenë në fokus diskutimet në parim për profilin e kandidatit të bashkisë.

Nëse duam, të jemi praktikë të rrëzojmë Ramën, Hajde të bashkojmë forcat”,-tha Këlliçi./CNA