web counter
LEXO PA REKLAMA!

SHKARKO APP

App Store
Google Play

Bashkëpunim me partitë e vogla?/ Këlliçi: Kampi opozitar me 52% të votave për Tiranën nga 11 maji, moment i artë për ta shfrytëzuar

26 Shtator 2025, 17:46, Politikë CNA

Bashkëpunim me partitë e vogla?/ Këlliçi: Kampi opozitar

Deputeti demokrat, Belind Këlliçi la të nënkuptohet se opozita mund të synojë një formë bashkëpunimi me partitë e vogla për daljen me një kandidat për Bashkinë e Tiranës.

Në një dalje televizive, Këlliçi tha sot se nga zgjedhjet e 11 majit, kampi opozitar mori rreth 52 % të votave në Bashkinë e Tiranës dhe e cilësoi si një moment të artë që duhet shfrytëzuar nga opozita.

“Në 14 maj 2023 nuk ka patur zgjedhje dhe këtë e kemi faktuar. Unë për vete e kam faktuar me aksionin tim politik të dy viteve me radhë. Dhe e kemi faktuar që në rastin e Bashkisë Tiranë i gjithë shtabi elektoral i Erion Veliajt ishte një shtab kriminal, pra ka qenë shtabi 5 D. Kryesorët e këtij shtabi sot janë në burg, për aferat korruptive në Bashkinë Tiranë. Dhe kreu i këtij shtabi Erion Veliaj, po ashtu është në burg.

Unë mendoj se opozita duhet të gjejë modalitetet dhe profilet e kandidatëve me të cilët të përballet me Ogerta Manastirliun, në momentin e parë që do të kemi një dekret të Presidentit, ku do të mësojmë edhe datën e zgjedhjeve në kryeqytet. Kandidati duhet të ketë një profil të qartë politik, për t’i dhënë një mesazh të fortë qytetarëve.

Në farsën elektorale të 11 majit, në fakt po të analizoni shifrat, i gjithë kampi opozitar ka rreth 52 % të votave në Bashkinë e Tiranës. Ky është një moment i artë që duhet shfrytëzuar nga opozita, me një kandidaturë të gjetur, e cila mundet të krijojë një kohezion më të gjerë sesa vetëm anëtarësia, mbështetësit, simpatizantët e PD-së”,-tha Këlliçi./CNA

 





Lajmet e fundit nga