web counter
LEXO PA REKLAMA!

SHKARKO APP

App Store
Google Play

E fundit!

x

Gara për Tiranën/ Adriana Kalaja vetofrohet si kandidate/ "Balluku “artileri” e rëndë, Gazin e bëri të fliste me vete"

25 Shtator 2025, 22:10, Politikë CNA

Gara për Tiranën/ Adriana Kalaja vetofrohet si kandidate/

Adriana Kalaja ka bërë me dije se i ka konfirmuar kreut të PD-së Sali Berisha se është e gatshme të kandidojë për Bashkinë e Tiranës.

“Ia kam konfirmuar doktorit, nuk i kam thënë dua të kandidoj, por nëse PD dhe koalicioni, opozita, ka nevojë për emrin tim dhe kontributin tim, jam e gatshme të kandidoj. Kjo nuk është risi e imja, nuk u ngrita një ditë pas lajmit që dha kryeministri për emërimin e kandidaturës së PS për Tiranës, por nëse rikthehemi pas në kohë, unë kam qenë kandidate në 2022 për primaret e PD, primare që i fitoi Belindi dhe për të cilën është akoma i njëjti mandati, sepse primaret e vitit 2022 prodhuan kandidatin për zgjedhjet e majit 2023. Dy fituesit e parë, zoti Këlliçi dhe Alimehmeti, nuk kanë shprehur interes, po kështu ndjesë pastë zoti Bogdani që ishte i treti ka ndërruar jetë, kështu edhe në aspektin statutor dhe moral, kam shfaqur ambiciet e mia, kam patur program gjithëpërfshirës, pavarësisht e mediat afër pushtetit dhe konkurenca brenda partisë, u morën më shumë me tezën e tritolit.

Doktori tha do ta kemi në konsideratë dhe pas diskutimeve do ta vendosim, pasi do të ketë diskutim edhe me drejtues të tjerë dhe me partitë aleate. Në situatën ku ndodhet Tirana, në një moment shumë deciziv, ku vlen më shumë produkti, me gjithë shkeljet që ka në shkarkim, tek e fundit ne kemi qenë për shkarkimin dhe dënimin e Veliajt. Është momenti më i mirë që opozita të dalë me kandidat të përbashkët, por edhe për të thyer këtë mentalitet, që me Ramën nuk fitohet dhe nuk mund të ketë zgjedhje të lira dhe të ndershme”, tha Kalaja në MCN TV.

Sa i përket garës për Tiranën, e pyetur nëse do të mund të garonte përballë Belinda Ballukut që është një artileri e rëndë pasi është zgjedhur dhe drejtuese e fushatës dhe në Fier e bëri Gaz Bardhin të fliste me vete, Kalaja tha se po të ishte e fuqishme, Rama do ta vendoste atë si kandidate./ CNA





Lajmet e fundit nga