web counter
LEXO PA REKLAMA!

SHKARKO APP

App Store
Google Play

E fundit!

x

“Do të ofrohen 6 apo 7 emra, pastaj do zgjedhim”/ Xhaferri: PD, me fushatë model dhe mbipartiake për Bashkinë e Tiranës

26 Shtator 2025, 21:02, Politikë CNA

“Do të ofrohen 6 apo 7 emra, pastaj do zgjedhim”/ Xhaferri: PD,

Deputeti demokrat, Besart Xhaferri ndau detaje nga plani i Partisë Demokratike si partia më e madhe opozitare për zgjedhjen e një kandidati për garën për Bashkinë e Tiranës.

I ftuar në A2CNN, Xhaferri tha se për këto zgjedhje synohet që PD të ofrojë 6 apo 7 emra, prej të cilëve do të zgjidhet më i përshtatshmi, për të vijuar më pas me një fushatë model dhe mbipartiake për të fituar zgjedhjet për drejtimin e kryeqytetit.

“Do të jetë një negociatë shumë e shpejtë. Do të ofrohen 6 apo 7 emra që ne i kemi dhe më pas do të shihet kush përshtatet në mënyrë që të gjithë të jenë të përfaqësuar. Këta janë emra nga PD, por edhe nga lista e 11 majit, nga ku kishte emra jo vetëm eksponentë politikë, por edhe profesionistë në fusha të ndryshme, kishte biznesmenë, emra nga diaspora. Megjithatë, mund të jetë edhe një eksponent i PD-së, por i pranuar nga të gjithë. Patjetër që duhet të bëjë një fushatë model, mbipartiake, me një administratë në hije. Emrat do të dalin, kush janë administratorët, kush do të zëvendësojë drejtorët e 5D, kush janë nënkryetarët. Kështu besoj se ne do të kemi kartën morale dhe patjetër Tirana do të mbështesë duke i dhënë një shuplakë kësaj autokracie në instalim të cilën të gjithë e kuptojnë pas 11 majit se çfarë po ndodh”,-tha Xhaferri./CNA





Lajmet e fundit nga