web counter
LEXO PA REKLAMA!

SHKARKO APP

App Store
Google Play

“Ka përfunduar numërimi në 22 bashki”/ Celibashi: Partitë të marrin masa për zëvendësimin e anëtarëve në KZAZ

12 Maj 2025, 19:29, Politikë CNA

“Ka përfunduar numërimi në 22 bashki”/ Celibashi:

Komisioneri Shtetëror i Zgjedhjeve, Ilirjan Celibashi ka zhvilluar një konferencë këtë të hënë dhe ka ndarë disa informacione të reja lidhur me procesin e deritanishëm të punës pas zgjedhjeve të 11 majit. Në fjalën e tij për median nga Parku Olimpik në Tiranë, Celibashi theksoi se ka përfunduar zyrtarisht procesi i numërimit në 22 bashki të vendit, referuar votave për subjektet zgjedhore.

Celibashi u shpreh se nga ana dokumentacionale, procesi i numërimit ka shkuar mirë.

Celibashi u bëri thirrje partive politike që të marrin masa për të zëvendësuar anëtarët në KZAZ-të përkatëse.

“Është mbyllur procesi në 22 bashki të vendit. Në lidhje me KZAZ-të, jan 24 nga 93 që e kanë përfunduar procesin për subjektet zgjehore. Kanë vendosur të fillojnë nesër numërimin për kandidatët, për shkak të orareve të gjatë të punës. Ka rifilluar puna në 2 KZAZ në Fier. Në Pustec ka përfunduar numërimi edhe për kandidatët edhe për partitë. Procesi nga ana dokumentacionale ka shkuar mirë. Pjesa më e madhe është kufizuar nga numri i anëtarëvë të KZAZ. U bëj thirrje partive që kanë anëtar në KZAZ që të marrin masat për t’i zëvendësuar ata. Sa i përket votimit nga jashtë, kemi vlerësuar 13946 zarfe nga totali i zarfave të marra gjithsej”,-tha Celibashi./CNA





Lajmet e fundit nga