web counter
LEXO PA REKLAMA!

SHKARKO APP

App Store
Google Play

“Kishte klimë të polarizuar”/ Raporti i OSBE/ODIHR për zgjedhjet: Më 11 maj kishte problematika

12 Maj 2025, 15:16, Politikë CNA

“Kishte klimë të polarizuar”/ Raporti i OSBE/ODIHR

Misioni i OSBE/ODIHR ka ndarë sot disa nga detajet e dokumentit të hartuar nga vëzhgimi i bërë për procesin e zgjedhjeve parlamentare të 11 majit. Në një konferencë për mediat, përfaqësues të këtij misioni u ndalën te disa prej gjetjeve të dokumentit prej 20 faqesh.

Sipas OSBE/ODIHR, zgjedhjet u zhvilluan në një klimë të polarizuar dhe paksa të vështirë.

Bazuar te disa prej gjetjeve të publikuara nga dokumenti i misionit, më 11 maj kishte disa problematika dhe raste abuzive.

Misioni shprehu konstatim të përdorimit të burimeve shtetërore gjatë fushatës nga partia në pushtet.  

“Para se të shkoj te ky dokument, më lejoni të theksoj se kishte klimë të polarizuar dhe paksa të vështirë. Megjithatë dolën e votuan. Votuesit nga jashtë dhe vëzhguesit janë zemra e këtij procesi.

Zgjedhjet ishin konkurruese dhe u zhvilluan në një mënyrë profesionale. Kandidatët nuk patën mundësi të barabarta, por bënë fushatë në mënyrë të lirshme. Pati angazhim gjithpërfshirës. Kishte disa problematika.

Partia në pushtet përfitoi nga burimet gjatë fushatës. Pati raste pretendimesh ndaj zgjedhësve, sidomos ndaj administratës. Nuk munguan rastet abuzive.

Konstatimet tona janë më shumë se 20 faqe. Dita e zgjedhjeve ishte kryesisht e qetë dhe e organizuar mirë. Pati disa incidente intimidimi te zgjedhësit. Këto janë pikat kryesore”,-thuhej në raport./CNA





Lajmet e fundit nga