web counter
LEXO PA REKLAMA!

SHKARKO APP

Vëzhgimi për 11 majin/ Raporti i OSBE/ODIHR për zgjedhjet: SPAK luajti një rol pozitiv

12 Maj 2025, 15:25, Politikë CNA

Vëzhgimi për 11 majin/ Raporti i OSBE/ODIHR për zgjedhjet: SPAK

Misioni i OSBE/ODIHR ka publikuar sot disa nga detajet e dokumentit prej 20 faqesh të hartuar nga vëzhgimi i kryer për zgjedhjet parlamentare të 11 majit. Në një konferencë për mediat, përfaqësuesja e këtij misioni u ndal te disa prej gjetjeve të dokumentit.

Në këtë raport, veç të tjerash, theksohet se Struktura e Posaçme Kundër Korrupsionit dhe Krimit të Organizuar (SPAK), ka luajtur një rol pozitiv gjatë të gjithë procesit.

Teksa u ndal te gjetjet nga kuadri ligjor, përfaqësuesja e OSBE/ODIHR tha se sipas misionit vëzhgues u konstatua se disa prej mangësive ligjore krijuan pasiguri.

“Disa gjetje të tjera lidhen me kuadrin ligjor, që krijon klimë të mirë të zgjedhjeve. Mangësitë krijuan pasiguri në kuadrin e zbatimit ligjor. Para zgjedhjeve u falën shumë gjoba. Dhe zbatimi i disa çështjeve sociale para zgjedhjeve. Por qytetarëve nuk iu dha rasti të dëgjonin një ide të sinqertë, sidomos nga dy liderët e partive politike. SPAK luajti një rol pozitiv. KQZ, SPAK dhe Prokuroria ofruan një bashkëpunim të mirë. Më lejoni t’ju siguroj se do të jemi të gatshëm të bashkëpunojmë me parlamentin e ri për të mirën e popullit shqiptar”,-tha përfaqësuesja e misionit./CNA





Lajmet e fundit nga