web counter
LEXO PA REKLAMA!

SHKARKO APP

App Store
Google Play

E fundit!

x

Berisha "nxin" ambasadoren e SHBA-ve/ "Ka mashtruar qeverinë e saj, deshi t'i diktonte opozitës kryetarin"

30 Dhjetor 2022, 12:23, Politikë CNA
Berisha "nxin" ambasadoren e SHBA-ve/ "Ka mashtruar qeverinë
Sali Berisha

Kryetari i Partisë Demokratike, Sali Berisha, ka folur ashpër lidhur me ambasadoren e SHBA-së, Yuri Kim.

Ai u shpreh se Yuri Kim ka thyer çdo ligj apo konventë ndërkombëtare, pasi sipas tij përdori fuqinë e vendit të saj, për t'i diktuarin kryetarin opozitës.

Më tej Berisha u shpreh se ambasadorja "kishte mashtruar qeverinë e saj për korrupsionin imagjinar të Sali Berishës, bëri gjithçka që t’i diktojë opozitës, kryetarin e saj."

"Në këtë përpjekje, do të nxijë në historinë e turpit, qëndrimi i ambasadores së SHBA-së, e cila, pasi në një akt madhor korruptiv, kishte mashtruar qeverinë e saj për korrupsionin imagjinar të Sali Berishës, bëri gjithçka që t’i diktojë opozitës, kryetarin e saj.
Përdori, abuzoi dhe shpërdoroi, duke shkelur çdo ligj të këtij vendi dhe vendit të vet, çdo konventë ndërkombëtare, çdo parim.
Përdori fuqinë e vendit të saj, për t’i diktuar opozitën kryetarin. Por ky është viti i opozitës, sepse asgjë nuk mposhti dot idealet e demokratëve.
Ata u ngritën fuqishëm kundër armikut të egër të votës së lirë, armikut të egër të PD-së, u ngritën kundër atyre që përdorën korrupsionin për të luftuar antikorrupsionin në Shqipëri, që përdorën krimin e organizuar për të luftuar antikrimin në Shqipëri.
Pavarësisht se ata përfaqësonin shtetet më të admiruara nga shqiptarët, SHBA dhe Britaninë. Opozitarët shqiptarë qëndruan dhe këtë vit u faktuan kombit dhe botës se Shqipëria ka një opozitë më të fuqishme se kurrë, më të vërtetë se kurrë."- u shpreh Berisha./CNA.al





Lajmet e fundit nga