web counter
LEXO PA REKLAMA!

SHKARKO APP

App Store
Google Play

"Dy gjëra rrënojnë më shumë se çdo gjë tjetër të ardhmen"/ Berisha, mesazh të rinjve

29 Dhjetor 2022, 11:24, Politikë CNA

"Dy gjëra rrënojnë më shumë se çdo gjë

Kreu i Partisë Demokratike, Sali Berisha, është shprehur se largimi i të rinjve është një lajm i mirë për qeverinë shqiptare. 

Në një takim me anëtarët e Departamentit Brain Gain dhe të Ekselencës ai tha se arsyeja pse qeveria do që të rinjtë të largohen është sepse nuk do të ketë më persona që do të protestojnë kundër saj dhe ta votojnë kundër. 

"Ka një raport jetik midis të ardhmes dhe rinisë. Midis të ardhmes dhe elitës. Në rast se ju vështroni sot shifrat demografike, ato janë tmerrësisht tronditëse.

Një komb që vetëm në hapësirën europiane, humbet 740 mijë qytetarë, pa llogaritur të tjerë që janë larguar në drejtime të tjera, jo Shengen.

Në historinë e luftërave, botërore apo civile, nuk gjendet asnjë komb tjetër që ka pësuar këtë katastrofë demografike që ka pësuar kombi shqiptar.

Polonia ka humbur 20 për qind të popullatës në Luftën Botërore. Shqipëria 31 për qind në 7 vite. Kjo jo nga tirania e mjerimit e vitit 1991, kur njerëzit nuk kishin kafshatën, por nga një agresion brutal i krimit, i drogës, i lidhjeve të qeveritarëve me krimin, drogën dhe vjedhjen e qeveritarëve.

Për këtë qeveri, largimi i të rinjve është një lajm i mirë, sepse dobësohet fuqia protestuese dhe votat kundër saj. Për vendin dhe kombin, kjo është absolutisht një katastrofë.

Dy gjëra rrënojnë më shumë se çdo gjë tjetër të ardhmen: mungesa e rinisë. E dyta, borxhi. Edhe borxhi është një barrë e tmerrshme.

Kjo qeveri, të dyja po i kryen në mënyrën më pasionante", është shprehur Berisha./ CNA.al





Lajmet e fundit nga