web counter
LEXO PA REKLAMA!

SHKARKO APP

App Store
Google Play

E fundit!

x

"Rama më i fortë se kurrë"/ Bushati: Si e përdori opozitën për të fituar pushtet

27 Dhjetor 2022, 22:08, Politikë CNA
"Rama më i fortë se kurrë"/ Bushati: Si e përdori
Andi Bushati

Analisti Andi Bushati ka folur lidhur me mënyrën e qeverisjes së kryeministrit Edi Rama përgjatë vitit 2022.

Ai shprehet se Rama sot është më i fuqishëm se kurrë, kjo edhe për shkak se opozita është e përçarë.

Sipas Bushatit, Rama e ka shfrytëzuar këtë për t’u bërë më tepër autoritar dhe për të kapur institucionet.

 “Ka dy mënyra të të parit të përmbylljes të këtij viti nga kryeministri. Po ta shohim nga interesi i tij personal, pushteti i tij është forcuar. Sot, Edi Rama duket më i fortë se kurrë. 

Mos harroni që ky vit filloi me 8 janarin e famshëm, kur opozita e nxorri edhe në sytë e publikut që është më e përçarë se kurrë. Pra, të qeverisësh në këto kushte, pushteti personal duket i fortë dhe i pacënueshëm.

Ana tjetër e këndvështrimit, është si shkon qeverisja e Edi Ramës në raport me interesin publik, jo me interesin e vetë personit. Këtu mendoj që kemi një regres. Duket që në pamje të parë kemi një paradoks.

Një njeri me një opozitë të dobët që nuk i kërcënon pushtetin, ka qetësinë e duhur edhe për të punuar më mirë, edhe për të bërë një reformë edhe më të madhe. 

Kurse Rama e ka shfrytëzuar këtë dobësi të demokracisë shqiptare për t’u bërë më autoritar, për të kapur më tepër institucionet”, theksoi ai në EuroNews./CNA.al





Lajmet e fundit nga