web counter
LEXO PA REKLAMA!

SHKARKO APP

App Store
Google Play

E fundit!

x

Meta zgjedh tre superkandidatët e PD-së/ Kreu i PL-së: Berisha është legjendë

27 Dhjetor 2022, 11:13, Politikë CNA

Meta zgjedh tre superkandidatët e PD-së/ Kreu i PL-së: Berisha

Ilir Meta, kreu i PL-së, ka akuzuar kryeministrin e Edi Rama në lidhje me gjyqin për statutin e PD-së.

Sipas tij, të gjitha janë të stisura nga Kryeministri Rama.

Në emisionin “Mirëmëngjes Shqipëri” në "RTSH", Meta ka thënë se metamorfoza e PD-së ka marrë fund.

“Këto janë teknikalitete të parëndësishme përballë energjisë në rritje të këtij koalicioni opozitar. Në këto zgjedhje qytetarët duhet të kenë 2 fletë votimi, për kandidatin dhe fleta për të zgjedhur partinë për çështjen e këshillave. E para është e zgjidhur, në Tiranë Belind Këlliçi, në Durrës Igli Cara dhe në Elbasan Luçiano Boçi, që janë 3 personalitete dhe superkandidatë për gjithpërfshirjen që do të sjellin për komunitetin.

Metamorfoza e PD-së ka marrë fund që në 11 nëntor të vitit të kaluar dhe tashmë i është rikthyer misionit për të cilin ka nevojë shoqëria dhe është forca kryesore sot e opozitës. Një forcë shumë e fuqishme, e cila pa diskutim në bashkëpunim me PR-në dhe forcat e tjera politike opozitare të vërteta do arrijë një sukses të padiskutueshëm në zgjedhjet e 14 majit”, është shprehur Meta.

I pyetur për kreun e PD-së, Meta ka “shpërthyer” me komplimente për Berishën.

 “Berisha është një legjendë me kontribute të jashtëzakonshme në 32 vite në historinë e vendit tonë. Nuk është i rastësishëm, por për arsye të cilësive që ka një liderpship të lindur dhe të kultivuar me pasion e këmbëngulje. Aktualisht po bën një punë shumë të mirë në luftën kundër korrupsionit dhe rivendosjes së vlerave të lirisë dhe demokracisë.

Berisha ka disa cilësi të karakterit që nuk i kanë shumë persona, nuk ka pasur dhe s’ka nevojë të jetë kryetar që të jetë lider, pasi është një lider i lindur. Mendoj që është i përkushtuar ndaj interesit kombëtar në mënyrë shumë pasionante dhe pa asnjë diskutim që ka disa vlera të cilat të bëjnë që ta respektosh edhe pse për disa çështje politike mund të mos kesh të njëjtat mendime me të.

I ka bërë shërbime të mëdha demokracisë në vend, rikthimin e tij në PD, rikthim transparent. Po flasim për procese që janë zhvilluar në prezencë të qytetarëve, mediave dhe është konfirmuar në mënyrë legjitime si lider”, është shprehur Meta./CNA.al





Lajmet e fundit nga