web counter
LEXO PA REKLAMA!

SHKARKO APP

App Store
Google Play

E fundit!

x

Alibashët "u vërsulën" pas drekës së PD/ Deputeti i mbyll gojën përçarësve

29 Dhjetor 2022, 20:00, Politikë CNA

 

 

Alibashët "u vërsulën" pas drekës së PD/
Foto nga dreka

Deputeti i Partisë Demokratike, Xhelal Mziu ditën e djshme organizoi një drekë ku ftoi të gjithë deputetët e Partisë Demokratike, përfshirë edhe ata të grupit të AliBashës, me rastin e festave të fundvitit.

Kjo drekë u komentua gjerësisht dhe shumë demokratë, u gëzuan për këtë bashkim, gjithsesi kishte edhe nga ata që nuk morën pjesë, si dhe komentuan negativisht siç ishte Gazmend Bardhi, i cili u shpreh se kjo tryezë kishte prapavijë politike.

Gjithsesi deputeti i PD, sqaroi se kjo nuk është aspak e vërtetë, si dhe sqaroi qëllimin e tij.

 “Ishte e domosdoshme për të pasur një bashkim të tillë se sa herë janë bashkuar grupet, kanë munguar më shumë se gjysma. Organizimi i ditës së djeshme ishte një organizim që kishte të bënte me gjithë grupin parlamentar të PD që kanë dalë nga zgjedhjet e 25 prillit. Ishin të pranishëm jo vetëm të dyja grupet, por nuk kishte mungesë në aspektin objektiv. Ata që nuk ishin të pranishëm nuk ishin të pranishëm për arsye objektive. Ishte e vështirë t’i mblidhje, por po jap disa argumente se pse nuk dështoi dreka. Nuk kam përdorur asnjë instrument kundër kolegëve të mi, pavarësisht mendimeve të tyre. Kam qëndruar luajal, dhe duke qenë një person terreni, e shoh të rëndësishme koherencën. Kjo situatë më solli në mendje që të bënim një organizim.

Ka qenë një indicie personale, duke marrë shkas nga festat e fundvitit. Edhe kur janë krishtlindjet dhe viti i ri, këto gjëra shërbejnë si instrument paqeje dhe bashkimi. Kemi bërë të tilla organizime dhe më parë. Duke qenë pjesë e këtyre organizimeve sajova të bëja një takim të tillë. Më shumë u fokusuan se kush ishte prapavija e këtij organizimi. Iu desh nja dy ditë për të marrë vesh se kush ishte prapavija. Nuk kishte prapavija. Në një tavolinë që po rrinim në pushimin e seancës, ishim në një kafe gjatë seancës, po komunikonim për këto organizime. I thash; kam menduar që të bëjmë një drekë me deputetët. E hodha në tryezë dhe hodha ditën e përshtatshme. Ishim 5-6 kolegë në tavolinë dhe ata e përkrahën këtë iniciativë. E vendosëm që të ishte dita e mërkurë, ora 13:00. Nuk mund të ishte një territor jashtë vendit ku banoj. Ka aludime meskine për këtë çështjes. Dua të sqaroj se pati një keqkuptim nga foltorja, se donin të bënin një drekë paralele. Unë kisha komunikuar dhe kisha dërguar festa te dy grupet. Ia kam dërguar mesazhet në grup, dh më pas ka pasur pesimizëm nga të dyja palët. Donin të dinin se kush ishte iniciatori. Pati stepje nga Rithemelimi. Por kur u bindën, atëherë u qartësuan dhe problemi i Shkodrës, se nuk do të ishte ditën e mërkurë, por të enjten. Më pas i sqarova me sms se nuk ka asnjë prapavijë. “Jeni të ftuar të gjithë”, iu thash. Ajo që thanë se; nuk e dinim se do ishte Berisha, apo jo, është e pavërtetë, pasi iu kisha sqaruar se ishin ftuar të gjithë.”, tha ai në "Frontline"./CNA.al





Lajmet e fundit nga