web counter
LEXO PA REKLAMA!

SHKARKO APP

App Store
Google Play

E fundit!

x

"Gjysma e punës është kryer tek 5 Maji"/ Erion Veliaj: Politika po iu përçan

29 Dhjetor 2022, 19:32, Politikë CNA
"Gjysma e punës është kryer tek 5 Maji"/ Erion Veliaj:
Erion Veliaj

Gjatë një bashkëbisedimi me banorët e Njësisë nr.8, kryetari i Bashkisë Erion Veliaj, komentoi edhe një prej debateve më të fundit lidhur me rindërtimin e lagjes së re “5 Maji”.

Ai u shpreh se aty ka përfunduar gjysma e punës, teksa tha se politika e cila futet mes qeverisë dhe banorëve, bllokon punët, pasi nuk i intereson siguria fizike e qytetarëve.

 “Kur ra tërmeti i parë, i shtatorit, këta kundërshtarët tanë që thonë sot “lërini të rrinë aty” (në pallatet e dëmtuara), ulërinin dhe thoshin: “Pse nuk i hoqët në kohë, që mos t’i zinte tërmeti i dytë?” Sot po të njëjtët njerëz thonë: “Pse nuk i lini aty?”. Në thelb kërkojnë viktima sepse thonë po nuk patëm viktima, nuk bëjmë dot politikë. Se nuk e kuptojnë dot që ti mund të bësh politikë duke punuar. Por, jeta nuk është kështu. Ne kemi pasur vështirësi shumë të mëdha në komunizëm, por nuk kemi qenë kështu me njëri-tjetrin, s’i jemi gëzuar viktimave dhe nuk i kemi përdorur për politikë. Këta janë të njëjtët njerëz që thonë “hip se të vrava, zbrit se të vrava”, “pse i le aty, pse s’i nxore nga aty?”, “çfarë uji i dhe gomarit, të ftohtë, apo të ngrohtë”. Ne këtu s’jemi as për të ftohur, as për të ngrohur gomarin e askujt. Ne jemi këtu për të ndërtuar qytetin tonë, për t’u kujdesur për familjet tona, për të mbajtur premtimet tona dhe për të ecur përpara me Tiranën tonë”, tha Veliaj./CNA.al





Lajmet e fundit nga