web counter
LEXO PA REKLAMA!

SHKARKO APP

App Store
Google Play

Justifikohet Rama/ Edhe në shtetet më të zhvilluara, pensionet janë pjesa më e vështirë

21 Tetor 2024, 11:58, Politikë CNA

Justifikohet Rama/ Edhe në shtetet më të zhvilluara, pensionet

Kryeministri Edi Rama ka folur me pensionistët duke thënë se pensionet janë pjesa më e vështirë jo vetëm për Shqipërinë, por edhe për shtetet më të zhvilluara si Gjermania, apo dhe shtetet e Rajonit.

Rama deklaroi se kjo nuk është një çështje e buxhetit të shtetit, por e shoqërisë dhe atyre që fitojnë para në Shqipëri.

“Është shumë e rëndësishme që të gjithë të jenë të qartë se pse pensionet janë pjesa më e vështirë për çdo shtet.

Merrni shtetin më të zhvilluar, Gjermaninë, dhe çdo shtet të rajonit do shikoni që pensionet janë pjesa më e vështirë. Ka një sërë 'pse'-sh që do të përpiqemi t’i shpjegojmë.

Do përpiqemi të ndajmë me ju edhe pse kjo çështje nuk është një çështje e buxhetit të shtetit si arma e qeverisë. Kjo është një çështje e përbashkët e shoqërisë, e të gjithë atyre që fitojnë para. Çdokush që fiton para në Shqipëri me një biznes të vogël me një pagë të vogël, brenda atij fitimi ka detyrimin ligjor t’u japë atë që takon pensionistëve përmes skemës.

Që ne të rrisim kapacitetin për të pasur në vijim një rritje të qëndrueshme të pensioneve duhet patjetër të rrisim kontributet dhe të imponojmë kontributet për ata të cilët fitojnë për veten dhe vjedhin pensionistët duke mos paguar pensionistët”, tha Rama./ CNA





Lajmet e fundit nga