web counter
LEXO PA REKLAMA!

SHKARKO APP

App Store
Google Play

E fundit!

x

Zhupa propozon ndryshime ligjore/ "Parlamenti nuk merr asgjë parasysh në miratimin e ligjeve"

20 Tetor 2024, 12:56, Politikë CNA
Zhupa propozon ndryshime ligjore/ "Parlamenti nuk merr asgjë parasysh
Kryetarja e Komisionit të Edukimit, Ina Zhupa

Kryetarja e Komisionit të Edukimit, Ina Zhupa, ka marrë pjesë në Panelet Qytetare të organizuara si projekt i Ambasadës Britanike në Tiranë me partnerë të saj lokalë.

Zhupa ka shprehur shqetësimin se Parlamenti është kthyer në institucion që nuk pyet për interesat e qytetarëve.

Deputetja ka deklaruar se në Shqipëri janë shtuar ligjet me porosi dhe janë zeruar konsultimet publike.

“Deri tani gjithçka është formale me praktikat e konsultimit publik, ku asgjë nga sugjerimet nuk merret parasysh. Ligjet kalojnë siç kanë ardhur nga qeveria, ku shpesh janë ligje me porosi të klientëve të pushtetit. Mjafton të sjell në vëmendje ligjin për zonat e mbrojtura, ligji për koncesionin e Butrintit, ligjin për lojërat e fatit, ligji për aeroportin e Vlorës, ligji Fusha për teatrin kombëtar, ligji për Akademinë e Shkencave, etj. Ku pavarësisht kundërshtimeve publike të të gjithë aktorëve, faktorëve, grupeve të interesit dhe ndërkombëtarëve përsëri kalojnë me lehtësi pa marrë parasysh asgjë”, ka thënë ajo.

Zhupa ka njoftuar se do të propozojë ndryshime ligjore që të hiqet dorë nga formaliteti i konsultimeve publike dhe Parlamenti të jetë i detyruar të dëgjojë qytetarët.

“Duhet të futet si praktikë parlamentare diskutimi i projektligjeve që prekin politika thelbësore me panelet qytetare. Do ta mbështes këtë praktikë, duke propozuar ndryshime në ligj, ku të hiqet dorë nga formaliteti i konsultimit publik dhe të jetë detyrimi që qytetarët të kenë zë në vendimmarrje”, ka nënvizuar deputetja./ CNA





Lajmet e fundit nga