web counter
LEXO PA REKLAMA!

SHKARKO APP

App Store
Google Play

Xhaferri: Vrasësit e Gjoklajt s’mund të organizojnë maratona

20 Tetor 2024, 12:29, Politikë CNA
Xhaferri: Vrasësit e Gjoklajt s’mund të organizojnë
Kreu i FRPD-së, Besart Xhaferri

Kreu i FRPD-së, Besart Xhaferri, ka publikuar foto nga protesta e të rinjve demokratë në Maratonën e Tiranës, ku dolën me bluza me fytyrën e Ardit Gjoklajt.

Me anë të një statusi në rrjetet sociale, Xhaferri tha se “vrasësit e Ardit Gjoklajt nuk mund të organizojnë maratona në Tiranë”.

Ai e cilëson Tiranën si kryeqytetin evropian të trafikut dhe pastrimit të parave, ndërsa thekson se Veliaj nuk është përgjigjur para drejtësisë as për vrasjen e Ardit Gjoklajt.

Deklarata e plotë:

Vrasësit e Ardit Gjoklajt nuk mund të organizojnë maratona në kryeqytetin evropian të trafikut dhe pastrimit parave!

Asnjë maratonë dhe asnjë koncert nuk i fsheh gjurmët e krimeve mbi këtë qytet të kreut të bandës "5D" Erion Veliajt, njeriu që te kodrat e liqenit po krijon muzeun e palmave të korrupsionit në të cilat një ditë do të varet nga klanet kundërshtare në PS.

Sot të rinjtë e FRPD protestuan kundër kësaj maratone të organizuar nga ai që ende nuk është përgjigjur para drejtësisë as për vrasjen e Ardit Gjoklajt dhe as për vjedhjet e bandës "5D" dhe të Incenearatorit të Tiranës, që është kthyer në një kënetë të fondeve publike.

Nuk mund të bësh maratonë në kryeqytetin evropian të trafikut vetëm për marketing personal dhe për të vjedhur para publike sekti yt që dikur vidhte dhe fondet e MJAFT.

Ata që marrin pjesë në këtë maratonë duhet ta dinë se Tiranën e ke kthyer në qytetin më të ndotur të Evropës dhe me projektin tënd të pastrimit të parave në ndërtim po privon nga mundësia për të pasur një pronë me mijëra çifte të reja të Tiranës.

Kamikazët e tu në polici ta ndalin agresionin ndaj të rinjve të FRPD pasi përballë do na kesh në çdo aktivitet dhe shpura e mercenarëve dhe truprojave të krimit që punojnë për ty nuk do të shpëtojnë nga aksionet tona.

Aktivitetet sportive dhe koncertet ti i ke kthyer në haraç për paratë publike dhe zhvatje ndaj qytetarëve se ti nuk njeh gjuhë tjetër, ndaj dhe ne do të drejtohemi me gjuhën që ti hajdut meriton që është protestë dhe rezistencë!/ CNA





Lajmet e fundit nga