web counter
LEXO PA REKLAMA!

SHKARKO APP

App Store
Google Play

E fundit!

x

“Takimi i vitit”/ “To Vima”:  Në 29 Tetor, Rama, përballë Belerit

18 Tetor 2024, 18:49, Politikë CNA
“Takimi i vitit”/ “To Vima”:  Në 29 Tetor,
Kryeministri Edi Rama dhe eurodeputeti Fredi Beleri

Kryeministri Edi Rama dhe eurodeputeti Fredi Beleri do të takohen së shpejti.

Lajmi bëhet i ditur nga gazeta greke “To Vima” që në një artikull e konsideron si “takimin e vitit”, dhe që pritet të ndodhë më 29 Tetor, në orën 10:00, në Tiranë.

Takimi do të bëhet pasi Beleri është përfshirë në delegacionin e Parlamentit Europian për Komisionin Parlamentar të BE-së për Stabilizim-Asociiimin me Shqipërinë.

Delegacioni i BE-së, pjesë e të cilit do të jetë edhe Beleri, do të zhvillojë në Shqipëri një vizitë 3-ditore.

Ky komision do të informohet gjithashtu nga ambasadori i BE-së në Tiranë, Silvio Gonzato, në lidhje me zhvillimet për negociatat e Shqipërisë me Bashkimin Europian.

Takimi me Kryeministrin Edi Rama i komisionit, ku do të jetë dhe Beleri parashikohet që të zgjasë rreth 45 minuta.

Pjesa e agjendës së takimeve janë edhe përfaqësues të partive të tjera, si dhe një takim me kryeparlamentaren Elisa Spiropali.

Vetë Beleri, në një intervistë për televizionin grek SKAI, komentoi hapjen e kapitujve të parë të Shqipërisë për negociatat me BE-në duke thënë se “vendi i Shqipërisë është në BE”.

Fredi Beleri u shpreh gjithashtu se në Konferencën e Dytë Ndërqeveritare Shqipëri-BE u fol me terma të qarta edhe sa i takon mbrojtjes së minoritetit grek që është politikë e BE-së”.

Fredi Beleri, i cili u dënua në Shqipëri me 2 vite burg për blerje votash kur kandidoi për kryebashkiak të Himarës, u lirua me kusht nga qelia më 2 Shtator 2024. Dënimin e tij ai e ka quajtur vendim politik të ndikuar nga kryeministri Edi Rama./ CNA





Lajmet e fundit nga