web counter
LEXO PA REKLAMA!

SHKARKO APP

App Store
Google Play

"Rama po monopolizon shkencën"/ Zhupa, takim me pedagogët

18 Tetor 2024, 17:45, Politikë CNA
"Rama po monopolizon shkencën"/ Zhupa, takim me pedagogët
Ina Zhupa

Kryetarja e Komisionit të Medias dhe deputetja, Ina Zhupa ka shprehur kundërshtinë e saj për projektligjin për Shkencën në një takim me pedagogë.

Zhupa tha se ligji bie në kundërshtim me direktivat e BE-së për kërkimin shkencor, pasi monopolizon shkencën.

Ajo deklaroi se nuk duhet të vendosë një ministëri për fushat e kërkimit të pedagogëve.

“Ky projektligj bie ndesh me Kushtetutën dhe vendimet e saj, krijon përplasje me Ligjin e Arsimit të Lartë dhe Kërkimit Shkencor dhe me Akademinë  e Shkencave, si dhe me direktivat e BE-së dhe atyre evropiane për kërkimin shkencor.

Në anjë vend nuk gjen një nismë të tillë. Një priojektligj që i ka të gjithë kundër, edhe pedagogët, rektorët. Me një të rënë të lapsit kontrollohen fushat e kërkimit shkencor, që të vendosen me një urdhër ministri. Ligji aktual e thotë se vendoset nga univertistet, e jo ministritë të vendosin kush do të jenë fushat e kërkimit për pedagogët. Universitetet shndërrohen në gjimnaze dhe pedagogët thjesht do të japin mësime.

Kush kërkon të studiojë dhe të bëjë kërkim shkencor për PPP në ekonomi apo lirinë e medias, me këtë projektligj s’do të financohet. Injoron në mënyrë të plotë komunitetin shkencor që jeton në diasporë. Nuk i shikon si parametra që mund të diskutohen. Ne mbështesim draftin e sjellë nga Konferenca e Rektorëve. Politika duhet të qëndrojë larg shkencës, që financimi i shkencës të rritet dhe të ketë arritje profesionale e kërkuese të pedagogëve. Të krahasohemi me standartet e BE-së dhe jo të atyre vendeve diktatoriale”, tha Zhupa ndër të tjera./ CNA





Lajmet e fundit nga