web counter
LEXO PA REKLAMA!

SHKARKO APP

App Store
Google Play

E fundit!

x

Vokshi, akuza Plarent Ndrecës: Nuk e merr dot peng komisionin për interesat personale

18 Tetor 2024, 10:37, Politikë CNA

Vokshi, akuza Plarent Ndrecës: Nuk e merr dot peng komisionin për

Deputetja Albana Vokshi e ka quajtur nul mbledhjen e sotme të komisionit hetimor për Shëndetësinë, ku të pranishëm në mbledhje janë vetëm deputetët e PS-së.

Vokshi u shpreh se Plarent Ndreca nuk mund ta marrë peng komisionin për interesat e tij personale.

Ndër të tjera, deputetja theksoi se do kërkohet shtyrja e afateve për komisionin hetimor pasi ka ende dëshmitarë dhe prova që inkriminojnë kryeministrin Edi Rama, ish-ministrin Ilir Beqaj dhe funksionarë të tjerë.

Pas përfundimit të komisionit hetimor, Vokshi tha se do të depozitojnë kallëzim penal në lidhje me këta funksionarë.

“Do kërkojmë një shtyrje të afatit të Komisionit Hetimor për Shëndetësinë. Të shohim nëse mazhoranca do ta miratojë. Pa u marrë në pyetje gjithë dëshmitarët dhe kanë ngelur pjesa më e rëndësishme, ministra, zyrtarë. Pa u shteruar lista e dëshmitarëve dhe pa u hetuar provat një komision nuk mund të mbyllet.

Opozita është e vendosur të bëjë transparencën. Kemi fakte dhe prova që inkriminojnë zyrtarë duke nisur nga Rama, Beqja dhe Manastirliu funksionarë e të tjerë të përfshirë në afera kriminale, në përfundim të afatit do të depozitojmë kallëzime penale.

Mbledhja e sotme është nul.

Nuk mund të shkojmë në një mbledhje të sajuar. Nuk e merr dot peng Plarent Ndreca për hallet e tij personale”, tha Vokshi./ CNA





Lajmet e fundit nga