web counter
LEXO PA REKLAMA!

SHKARKO APP

App Store
Google Play

Berisha “godet” Bashën dhe Alibeajn/ “Partitë që po krijojnë, fluska në harresën e politikës”

17 Tetor 2024, 21:58, Politikë CNA
Berisha “godet” Bashën dhe Alibeajn/ “Partitë
Fotomontazh - Lulzim Basha, Enkelejd Alibeaj dhe Sali Berisha

Kryetari i Partisë Demokratike, Sali Berisha, është pyetur mbrëmjen e sotme në lidhje me partitë që po krijon Enkelejd Alibeaj dhe Lulzim Basha.

Ai tha se partitë antiopozitare janë fluska të destinuara të arkivohen në banesën e harresës së politikës.

Berisha deklaroi se Alibeaj dhe Basha janë në orbitën e mjerë të opozitarëve të opozitës që recitojnë apo bëjnë papagallin e kryeministrit Edi Rama.

“Kam një mendim. Çdo qytetar, çdo politikan në një vend ka të drejtë të krijojë partinë e tij politike, të ndjekë linjat politike që dëshiron. Krijesat antiopozitare janë fluska të destinuara të arkivohen në banesën e harresës së politikës. Kriter themelor është qëndrimi ndaj regjimit mafioz autokratik të Edi Ramës. Ata të cilët vendosin në epiqendër të përpjekjeve të tyre, programit të tyre këtë çështje, ata janë të mirëpritur të bashkëpunojnë me PD-në dhe opozitën reale. Të tjerë le të mbeten në orbitën e mjerë të opozitarëve të opozitës që recitojnë apo bëjnë papagallin e Edi Ramës nga studio në studio”, theksoi ish-kryeministri./ CNA





Lajmet e fundit nga