web counter
LEXO PA REKLAMA!

SHKARKO APP

App Store
Google Play

E fundit!

x

“Jeni hajdutë të paskrupullt, të vijë hidrauliku i kryeministrisë”/ Debat i ashpër në Komisionin e Ekonomisë

15 Nëntor 2022, 09:28, Politikë CNA

“Jeni hajdutë të paskrupullt, të vijë hidrauliku i

“Projekti i Portit të Durrësit” ka shkaktuar debate të ashpra mëngjesin e sotëm në Komisionin e Ekonomisë.

Deputetët e PD-së, vijojnë të flasin për një aferë të madhe korruptive.

Edmond Spaho, deputet i PD-së, ka kërkuar që pjesëmarrjen e ministreve Belinda Balluku dhe Delina Ibrahimi, që sipas tij duhet të japin llogari.

“Nëse inceneratorët është vjedhja e shekullit, kjo është vjedhja më e madhe e historisë. Nuk është serioze. Të vijë këtu të flasë hidrauliku i Kryeministrisë”, ka thënë Spaho, duke shkaktuar kështu reagimin e kryetarit të komisionit, i cili e ka akuzuar për fyerje.

Debati:

Edmond Spaho: Po marrim një projekt që ka implikime të mëdha financiare, por edhe të natyrës që do të zhvendoset një port dhe do të ndërtohet një port i ri dhe në këto kushte është e udhës dhe është normale që të vijnë ta mbrojnë projektin ato që kanë firmosur, Belinda Balluku dhe Delina Ibrahimi, është shumë qesharake, po flasim për implikime të mëdha financiare, nuk kemi nevojë për shfaqje të tilla.

Eduart Shalsi: Në konferencën e kryetarëve është marrë një vendim, dhe nuk po bëjmë një procedurë, sikundër ka ndodhur dhe ka shumë shembull, tradita parlamentare.

Edmond Spaho: Ça tradite?

Eduart Shalsi: Më lër të flas, të lutem.

Edmond Spaho: Nëse inceneratorët është vjedhja e shekullit, kjo është vjedhja më e madhe e historisë. Nuk është serioze. Të vijë këtu të flasë hidrauliku i Kryeministrisë.

Eduart Shalsi: Të të vij turp të thuash hidrauliku i Kryeministrisë.

Edmond Spaho: Jeni hajdutë pa skrupuj. Më trego mua etikën.

Eduart Shalsi: Gjuhë aspak etike.

Edmond Spaho: Po vidhni për të ndërtuar pallate./CNA.al





Lajmet e fundit nga