web counter
LEXO PA REKLAMA!

SHKARKO APP

App Store
Google Play

E fundit!

x

“LSI u shkatërrua, PL e dobët”/ Meta kërkon të shfrytëzojë PD-në?

15 Nëntor 2022, 08:52, Politikë CNA

“LSI u shkatërrua, PL e dobët”/ Meta kërkon të

Ilir Meta ka pranuar mbrëmë se LSI-ja dështoi dhe u shkatërrua.

I pyetur se përse nuk ka kandidatë për zgjedhjet e 14 majit, por ia ka lënë të gjithë PD-së, Meta konfimoi se PL që zëvendësoi LSI-në, nuk është e përgatitur.

Në emisionin “Now” në "Euronews Albania", Meta deklaroi se PL-ja nuk ka pasur figura të spikatura për kandidatë për kryetarë bashkie, ndaj ia dorëzoi Partisë Demokratike këtë proces.

 “Partia e Lirisë është një parti që sapo e ka kaluar një proces tranzicioni dhe nga ana formale, procedurale, që nga 25 prilli e deri te 29 tetori. Së dyti, dihet që ish-LSI-ja pësoi një traumë të madhe për shkak të vendimeve të gabuara që mori vetë.

Aktualisht, nuk ka qenë një forcë realisht e përgatitur apo ku kishte individë shumë të spikatur dhe të gatshëm, që kishin investuar gjatë kësaj kohe për kryetarë bashkish”, theksoi ai.

Në këtë mënyrë një tjetër konfirmim që ka bërë Meta mbrëmë është se po kërkon të aktivizohet në politikë, duke u mbështetur te PD-ja, pasi partia e tij është inekzistente./CNA.al





Lajmet e fundit nga