web counter
LEXO PA REKLAMA!

SHKARKO APP

App Store
Google Play

“Jemi në betejë”/ Berisha: Historia do të na dënojë nëse nuk e shporrim Ramën dhe regjimin e tij

28 Shkurt 2023, 13:40, Politikë CNA

Kreu i Partisë Demokratike, Sali Berisha, ka bërë thirrje për mobilizim vetëm 3 ditë para vendimit të Gjykatës për vulën e PD-së dhe protestës së thirrur nga opozita në po të njëjtën datë.

Me anë të një videoje Berisha thekson se do të përdorin çdo mjet të mosbindjes civile për të larguar regjimin.

"Do jemi në betejë, duhet të bëjmë gjithçka me pasion, me sakrifica. Ne do përdorim çdo mjet të mosbindjes civile për t’i shkurtuar ditët dhe për të përmbysur qeverinë. Ky regjim është më i egër se çdo pushtim që shqiptarët kanë njohur në histori. Ky regjim me politikat që ka ndjekur, me varfërimin masiv të shqiptarëve, me shndërrimin e votës në një letër pa leve ua ka nxirë jetën shqiptarëve. A mundet ne ta pranojmë për kryeministër një njeri që vjedh shqiptarët, i varfëron, i mjeron dhe i degdis në dhera të tjera? Nuk ka dënim më të madh që do të na bëjë historia ne në qoftë se nuk e shporrim atë dhe regjimin e tij", shprehet Berisha./CNA.al





Lajmet e fundit nga