web counter
LEXO PA REKLAMA!

SHKARKO APP

App Store
Google Play

Berisha “nxjerr zbuluar” Ramën/ Si u tall me Abazoviç për ndërtimin e urës

27 Shkurt 2023, 19:54, Politikë CNA
Berisha “nxjerr zbuluar” Ramën/ Si u tall me Abazoviç
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka reaguar pas deklaratave të kryeministrit Edi Rama në takimin me homologun e Malit të Zi, Dritan Abazoviç.

Berisha pretendon se Rama u tall me Abazoviç, kur i tha se urën e Bunës do ta ndërtojë Mali i Zi se ka rritur edhe rrogat.

Kryedemokrati theksoi se kryeministri i Malit të Zi kishte të drejtë kur iu përgjigj me krenari për rrogat e popullit të tij.

“Është shumë e rëndësishme që ne jo vetëm vetë, por me çdo bashkëbisedues të bindim ç’po ndodh me ne, pse ky krim-ministër, pse për këtë krim-ministër qytetarët nuk ekzistojnë, pse ky i urren shqiptarët, çfarë e shtyn këtë.

Edhe sot tallej me kryeministrin e Malit të Zi tek i thoshte se urën do e ndërtoni ju se keni rritur rrogat. Abazoviç para dy javësh në Tiranë deklaroi se 4 vite ndenja por rrita rrogat me 200 euro. E tha me krenari dhe ka arsye të krenohet. Dhe sot nga Shkodër, veriu, por edhe nga Tirana shkojnë e punojnë në ndërtim në Mal të Zi, kërkojnë ndonjë punë në Mal të Zi, sepse rrogat janë dyfishi i rrogave në Shqipëri.

Një përçmim se nëse ti tjetrin nuk ke mirënjohje ndaj asaj që bën ai, ndaj djersën që derdh ai për të mbajtur familjen e tij dhe e le me një rrogë që nuk e mbyll dot muajin ti sigurisht nuk ke asnjë ndjenjë për këta njerëz. Në vitin 2013, shqiptarët kishin rrogat më të larta në rajon, përfshirë këtu dy vende anëtare të BE-së, Bullgarinë dhe Rumaninë. Sot ku jemi, sot i kemi 40 % më të ulëta se në Kosovë. Dhe në disa sektorë, edhe dy herë më të ulëta”, nënvizoi Berisha gjatë një takimi me degët 1, 3 dhe 4 në Tiranë./ CNA.al





Lajmet e fundit nga