web counter
LEXO PA REKLAMA!

SHKARKO APP

App Store
Google Play

E fundit!

x

Dekomunistizimi/ Deputetja e PD-së: Më të ndershëm ata që shkruanin për Enverin

27 Shkurt 2023, 13:01, Politikë CNA
Dekomunistizimi/ Deputetja e PD-së: Më të ndershëm ata
Deputetja e PD-së, Flutura Açka

Deputetja e PD-së, Flutura Açka, ka diskutuar rreth projektligjit të dorëzuar nga grupi i Enkelejd Alibeajt për dekomunistizimin.

Sipas Açkës, shkrimtarët që shkruanin në atë kohë për diktatorin Enver Hoxha janë më të ndershëm se ata që shkruajnë romane për kreun e PD-së, Sali Berisha, dhe kryeministrin Edi Rama.

“Ne nuk ua kemi shpjeguar shqiptarëve që ata që kanë shkruar poezi për Enverin, janë viktima jo fajtorë. Ne i kemi futur në një kallup të gjithë dhe i kemi dënuar edhe publikisht pse ata kanë shkruar një poezi për Enverin. Po ta kishim bërë këtë debat publik me kohë, këta njerëz nuk do të ndiheshin sot viktima dhe të intimiduar. Ne duhet t'i mbrojmë ata duke u shpjeguar qasjen ashtu siç është e vërteta. Nëse nuk e bëjmë këtë gjë, do t'i lëmë viktima të kohës së tyre.

Është më e ndershme ajo që kanë bërë ata që kanë shkruar një poezi për Enverin në atë kohë, sesa ata që shkruajnë romane sot për Sali Berishën dhe libra e poezi për Edi Ramën në kohë lirie. Midis të dyve, zgjedh të parët që e kanë bërë në kushte dhune sesa këta që e kanë bërë në kushte lirie. E vërteta u duhet thënë siç ka qenë”, tha deputetja e PD-së./ CNA.al





Lajmet e fundit nga