web counter
LEXO PA REKLAMA!

SHKARKO APP

App Store
Google Play

Meta publikon renditjet/ Shqipëria, e fundit në rajon për prodhimin e dijeve dhe teknologjisë

27 Shkurt 2023, 09:45, Politikë CNA

Meta publikon renditjet/ Shqipëria, e fundit në rajon për

Kreu i Partisë së Lirisë, Ilir Meta, ka reaguar në lidhje me renditjen nga Indeksi Global i Inovacionit për vitin 2022, ku Shqipëria është renditur në vendin e parafundit.

Ai thekson se Shqipëria ka performancën më të dobët dhe se Rama u ka shpallur luftë profesionistëve dhe kërkimeve shkencore.

“Qeveria e Edi Ramës i ka shpallur luftë të hapur profesionistëve, dijeve dhe kërkimit shkencor.

Prova më e qartë është Indeksi Global i Inovacionit për vitin 2022, që e pozicionon Shqipërinë të fundit të rajon dhe Europë.

Shkaqe kryesore për këtë renditje janë mungesa serioze e burimeve njerëzore dhe kërkimore, njohuritë jo të duhura teknologjike dhe sofistikimi jo efiçent i tregut. Performancën më të dobët, Shqipëria e ka sa i takon prodhimeve të dijeve dhe prodhimeve teknologjike.

Ndërkohë vendet e tjera të Ballkanit, si Maqedonia e Veriut dhe Bosnje-Hercegovina janë dhjetëra vende më lart.

Qëndrimi arrogant dhe mungesa totale e mbështetjes për universitetin, për pedagogët dhe studentët duke mos u dhënë atyre asnjë ndihmë konkrete është arsyeja e vetme për këtë situatë të rëndë.

Kjo Qeveri që është e para për korrupsionin në Europë është e fundit për inovacionin shkencor.

Ndaj vetëm largimi një orë e më parë i Edi Ramës shpëton falimentimin e Shqipërisë dhe nxit zhvillimin e shkencës dhe të ekonomisë”, shkruan Meta./CNA.al





Lajmet e fundit nga