web counter
LEXO PA REKLAMA!

SHKARKO APP

App Store
Google Play

“Premtimet e Veliajt, gënjeshtra”/ Banorët e Tiranës: Ujin e paguajmë dy herë dhe është i ndotur

28 Shkurt 2023, 10:08, Politikë CNA

“Premtimet e Veliajt, gënjeshtra”/ Banorët e Tiranës:

Banorët e kryeqytetit janë shprehur të pakënaqur në lidhje me çmimin e ujit, si dhe me cilësinë e tij.

Vit pas viti Veliaj ka dalë me premtime, sipas tyre, dhe nuk janë plotësuar deri më sot.

Ndërkohë, Belind Këlliçi do të paraqesë programin e tij me qëllimin e vetëm, shërbimin e vërtetë ndaj qytetarëve, larg propagandës dhe mashtrimeve.

Deklaratat e banorëve:

"Kryetari i bashkisë duhet të ketë parasysh një gjë, çmimin e ujit. Ne po e paguajmë shumë shtrenjtë ujin dhe e paguajmë dy herë, por nuk na vjen uji i pijshëm në rubinet. Ne e paguajmë 60 mijë lekë ujin se unë blej edhe bidonin e ujit të pijshëm. Meqenëse uji nuk më vjen i pijshëm në rubinet unë detyrohem të blej bidonin. Pra, ky nuk është 35 mijë lekë më. Është 65 mijë. Ti nuk ma sjell ujin e pijshëm, por taksën ma merr. Gjithë Tirana blen me bidona", u shpreh një qytetar.

Një tjetër qytetar thotë se kostoja e ujit rritet edhe për shkak të energjisë së harxhuar nga pompat e ujit. Ndërsa një tjetër banor thekson se nga mungesa e depozitës, ujin e pret të vijë dy herë në ditë nga një orë.

“Është pallati 11-katësh, imagjino. Ujë te ne s'ka", tha ai.

"Në njësinë 9, në pjesën veriore, uji ndalon gjithmonë në orën 10 të darkës, vjen gjithmonë në orën 5 të mëngjesit. Absolutisht asnjëherë nuk ka qenë i pijshëm, në asnjë moment", rrëfeu një tjetër banor.

"Ai më jep mua ujë të papijshëm. Ujin unë e blej edhe vjen më fut 84 mijë lekë ujë. Ç'është ky? Ç'është ky halabak mo?", u shpreh i indinjuar një tjetër banor i Tiranës.

Çmimi i ujit në Tiranë është rritur ndjeshëm që kur Erjon Veliaj u vendos në krye të bashkisë.

Familjarët që jetojnë në kryeqytet paguajnë 65 lekë/m3.

Vit pas viti, Veliaj ka premtuar ujë të pijshëm dhe furnizim pa ndërprerje, por premtimet kanë rezultuar gënjeshtra dhe ende në vitin 2023, qytetarët detyrohen ta blejnë ujin duke u kushtuar dyfish në fund të muajit.

Kandidati për Bashkinë e Tiranës, Belind Këlliçi, së shpejti do të paraqesë programin e tij me qëllimin e vetëm, shërbimin e vërtetë ndaj qytetarëve, larg propagandës dhe mashtrimeve, të cilat prej tetë vitesh u serviren banorëve të kryeqytetit./CNA.al





Lajmet e fundit nga