web counter
LEXO PA REKLAMA!

SHKARKO APP

App Store
Google Play

E fundit!

x

Gjyqi ndaj ish-krerëve të UÇK-së në Hagë/ Spiropali: Drejtësia nuk duhet të jetë e verbër

19 Shkurt 2026, 12:33, Politikë CNA

Gjyqi ndaj ish-krerëve të UÇK-së në Hagë/

Ministrja e Jashtme, Elisa Spiropali, gjatë fjalës së saj në Kuvend, ka folur edhe për procesin gjyqësor në Hagë të ish-krerëve të UÇK-së. Spiropali u shpreh se lufta e Kosovës nuk ishte konflikt për pushtet, por për mbijetesë dhe për liri.  

“Shqipëria është dhe do të mbetet e angazhuar ndaj drejtësisë ndërkombëtare. Por drejtësia ndërkombëtare nuk është një koncept abstrakt. Ajo matet me standardin e barazisë, me koherencën e saj dhe me aftësinë për të mos u kthyer në instrument të leximeve të njëanshme historike. Lufta e Kosovës nuk ishte një kon?ikt për pushtet. Ishte një luftë për mbijetesë dhe për liri, pas një periudhe të gjatë represioni sistematik. Ky është fakt historik i dokumentuar ndërkombëtarisht. Për këtë arsye, çdo proces gjyqësor që lidhet me atë periudhë duhet të zhvillohet me një vetëdije të plotë për kontekstin, për disproporcionin e forcës dhe për realitetin e krimeve të kryera ndaj popullsisë civile”, tha Spiropali.

Ministrja shtoi ndër të tjera se drejtësia nuk mund të funksionojë me standarde të dy?shta, ndërsa theksoi se Shqipëria do të mbrojë të vërtetën historike të Kosovës. 

“Shqipëria do të mbrojë me dinjitet të vërtetën historike të Kosovës. Do të mbrojë parimin që drejtësia duhet të jetë e paanshme, por jo e verbër ndaj realitetit. Dhe do të qëndrojë pranë çdo procesi që garanton standarde të larta juridike, transparencë dhe trajtim të barabartë. Sepse pa drejtësi të drejtë, nuk ka pajtim të qëndrueshëm. Dhe pa të vërtetë historike, nuk ka paqe të qëndrueshme në rajon”, deklaroi ministrja e Jashtme. /CNA





Lajmet e fundit nga