web counter
LEXO PA REKLAMA!

SHKARKO APP

App Store
Google Play

E fundit!

x

Foltorja/"Jemi komb pa të ardhme", Berisha: Popullsia po plaket dhe rinia po largohet

18 Shkurt 2026, 18:42, Politikë CNA

Foltorja/"Jemi komb pa të ardhme", Berisha: Popullsia po plaket

Kryetari i PD-së, Sali Berisha u shpreh gjatë fjalës së tij në takimin me demokratët në Sukth se vendi sot është në një situatë kritike për shkak të largimeve të shumta. Ai tha se sot një komb që plaket me shpejtësi të madhe dhe humbet rininë, nuk ka të ardhme.

Ndër të tjera, Berisha tha se rrogat, pensionet dhe ndihma ekonomike janë rritur shumë më pak se çmimet. Kjo sipas tij është një arsye e madhe e largimeve nga vendi dhe shkaktar për këtë situatë, ai bëri qeverinë.

“Ne jemi sot në një situatë më kritike se asnjëherë tjetër.  E keqja më e madhe e njeriut është ajo e cila gruadualisht pushton qenien apo shqoërinë. E vërteta është se këto 12 vite në një aspekt shqiptarët nuk kanë patur të keqe si kjo, në kuptimin e zbrazjes dhe boshatisjes se këtij vendi të bekuar.

Ne vijmë sot si një komb pa të ardhme. Nuk ka të ardhme kombi që plaket me shpejtësi të madhe dhe humbet me shpejtësi të rrufeshme rininë. Lindjet janë ulur me 70%. Nga viti 2014 deri në vitin 2023, drejt zonës së Shengenit u larguan 1 milion e 100 mijë shqiptarë. Nga këta 720 mijë janë të moshës nën 40 vjeç. Kjo ndodh sepse mundësia ekonomike vjen duke u zvogëluar, hapësirat ekonomike vijnë duke u ngushtuar.

Nga viti 2013 çdo pensionist në çdo vend tjetër përveçse këtu duhet të merrte tre herë më shumë. Por rrogat, pensionet e ndihma ekonomike janë rritur shumë më pak se çmimet.

Çmimi i ushqimeve bazë ështe 17% më ilartë se mesatarja në vendet e BE. Kjo ka sjellë zhytjen e ngadaltë në varfëri të shqiptarëve. Kjo vjen sepse kjo qeveri ka vjedhur në mënyrë të pakufijshme pasuritë e qytetarëve dhe taksat”, tha Berisha. /CNA





Lajmet e fundit nga