web counter
LEXO PA REKLAMA!

SHKARKO APP

App Store
Google Play

“Donte të digjte mandatet e deputetëve”/ Bylykbashi tregon bisedën me Bashën në 2019

17 Shkurt 2026, 22:38, Politikë CNA

“Donte të digjte mandatet e deputetëve”/ Bylykbashi tregon

Deputeti i Partisë Demokratike, Oerd Bylykbashi tregoi sot pak nga biseda e zhvilluar në janar të vitit 2019 me kreun e atëhershëm të PD-së, Lulzim Basha.

Bylykbashi tha në një studio televizive se Basha donte të digjte mandatet e deputetëve demokratë, gjë për të cilën kishte marrë kundërshtime.  

Bylykbashi tha se pengu i vetëm pas këtij komunikimi është se nuk përsëriti qëndrimin e tij kundër këtij mekanizimi që ishte menduar të funksiononte me saktësi matematikore.

“Kam një peng të vetëm deri më sot. Pasi i kisha thënë kryetarit të partisë në janar të vitit 2019, Lulzim Bashës, kur ai tha se do të digjte mandatet. I thashë Jo, nuk do t’i djegësh, sepse parlamenti do të mbushet’. Siç edhe ndodhi, ky është një nen që e kam shkruar unë dhe dy kolegë të mi të respektuar; e kemi shkruar posaçërisht kundër djegies së mandateve nga Partia Socialiste. Pra, e dinim me saktësi matematikore që mekanizmi do të funksiononte. E kishim bërë qëllimisht në atë mënyrë që, kur dikush largohej, pjesa e dytë e listës do ta plotësonte vendin në një masë të mjaftueshme, që efekti i djegies së mandateve të zhbëhej. E bëmë për Partinë Socialiste, sepse ata rrezikonin vazhdimisht dhe thoshin ‘ne do të djegim mandatet’. Sistemi qëndroi dhe funksionoi, atëherë ishte e qartë se do të funksiononte edhe me ne. Pengu im është se, kur zhvilluam mbledhjen një ditë pasi Basha e deklaroi këtë publikisht, unë nuk e thashë më para kolegëve të tjerë. Edhe pse të gjithë e dinin, unë nuk e përsërita në atë mbledhje. Prandaj, këto lloj qëndrimesh unë do t’i mbroj gjithmonë me force”,-tha Bylykbashi./CNA





Lajmet e fundit nga