web counter
LEXO PA REKLAMA!

SHKARKO APP

App Store
Google Play

E fundit!

x

Vengu: Shqipëria, hallkë e fortë dhe e besueshme në zinxhirin e sigurisë europiane

17 Shkurt 2026, 21:42, Politikë CNA

Vengu: Shqipëria, hallkë e fortë dhe e besueshme në

Ministri i Mbrojtjes, Pirro Vengu e cilësoi vendin, në rrethanat e tanishme gjeopolitike, si një hallkë të fortë dhe të besueshme në zinxhirin e sigurisë në Europë. 

Në një intervistë për rrjetin europian ‘Euractiv’, Vengu theksoi se përballë kërcënimeve që njeh sot Europa Juglindore, pozita Shqipërisë është shumë e rëndësishme.

“Rajoni ynë nuk është periferia e sigurisë europiane, por pjesa e sistemit të saj nervor. Përballë kërcënimeve që sot njeh Europa Juglindore, synojnë që Shqipëria të jetë një vlerë e shtuar, një hallkë e fortë dhe e besueshme në zinxhirin e sigurisë europiane. Është e vetëkuptueshme që ne duam të jemi një vlerë e shtuar, një hallkë e fortë në zinxhirin evropian. Të gjitha marrëveshjet tona të modernizimit janë lidhur me kompani nga vendet aleate dhe partnere, si Lockheed, Elbit, Thales, SAAB, dhe po negociojmë me Leonardo e Fincantieri. Ne synojmë të jemi një shtet anëtar i besueshëm, i parashikueshëm që kontribuon në stabilitetin rajonal dhe prosperitetin evropian. Nëse Europa dëshiron të dëshmojë thellësi strategjike, duhet të anëtarësojë ato vende që kontribuojnë vazhdimisht për ta garantuar atë”,-u shpreh Vengu./CNA





Lajmet e fundit nga